Hoseas 11:6 - Manobo Western Bukidnon OT

⁶ Edsurungen te menge kuntada is menge inged dan ne edezeetan dan is menge terangka te menge pultahan kayi. Edezeetan te menge kuntada zan is menge pelanu zan.

Hoseas 11:6 Marejeleo ya Msalaba

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Hoseas 10:14

ne egkehitavù diyà te keniyu is tebek ne egkewaǥey is binerengbeng he menge inged niw. Ebeelan te menge kuntada niw is iring te mibeelan ni Shalman diyà te inged he Bet Arbel, iring te midruntek din is menge iney wey is menge anak dan.

Hoseas 10:6

ne ed-uwiten diyà te Asiria su igasa ziyà te mekeǥeǥehem he hadì. Egkepeel-elezan is Israel tenged te kedsarig din te kayu he menge ed-ezapen.

Malakias 4:1

Migkaǥi is Nengazen he Mekeǥeǥehem, “Siguradu iyan he egkehitavù is kegkeuma te andew te Nengazen he Mekeǥeǥehem. Ne iring is kegkehitevùa kayi te rapug he egkiràkirà. Is langun he mepelevawen wey menge lalung, ne egkeiring sikandan te ebinsulan he kayu he wazà egkesamà he subpang wey zalid.

Micas 5:11

Edweǥayen ku is menge inged niw ragkes en is binerengbeng he menge inged.

Ezekiel 20:47

Keǥiyi nu heeyan he lugar he siak, is Nengazen he MEGBEVAYÀ, edretem a te hapuy he ebpekevinsul te menge kayu keniyan, neǥangu etawa wazà. Kenà egkeevukan heini is edriyubriyub he hapuy. Egkevinsulan kayi is langun puun te zivavà pehendiyà te zizaya.

Jeremias 5:17

Ed-eminen dan is menge abut niw, menge keenen niw, menge paras wey menge higus niw. Ebpenhimetayan dan is menge anak niw wey is menge uyaǥen niw. Ebengkaǥen dan is dezekelà he menge inged niw he neliǥuy te verengbeng he midseriǥan niw.

Isaias 30:1

Migkaǥi is Nengazen te, “Mekehizuhizu is menge anak ku he menge mesinukulen. Mibpelanu sikandan te menge pelanu he supak te egkesuatan ku. Nekid-uyun sikandan te zuma te kandan dà he ketau, ne kenà kediey. Umbe mid-iseg medekelà is salè dan.

Isaias 27:10

Nevengkag en is inged he neliǥuy te verengbeng. Nehimu en heini he mekevulungbulung iring te sibsivayan, ne wazè en ed-ubpà kayi. Nehimu zà heini he penebtavà wey himelayà te menge vaka. Ed-eminen edtebtava te menge vaka is menge zahun te menge subpang.

Isaias 18:5

Kenè pa egkeuma is tiraǥun, su timpu pa te kebpengevukad te paras wey egkenaneynaney pa egkengelutui is beǥas kayi, ebpenempezen te Megbevayà is menge subpang kayi.

Isaias 9:14

Umbe, edtik-ew edsilut is Nengazen diyà te tivuuk he Israel. Egkeiring sikandan te uyaǥen he edtempezan te ikug wey ebpungelan te ulu.

Salmo 106:43

Kemezakel en sikandan libriya te Megbevayà, piru mibpedayun sikandan te kedsupak kandin, umbe midezeetan sikandan tenged te salè dan.

Salmo 106:39

wey ragkes en daan is keugelingen dan. Ne heeyan is baal zan, iyan paaǥi te kedluivi zan te Megbevayà, iring dan te vahi he midselselaan din is esawa zin.

Deuteronomio 32:25

Egkehitavù is kebpemematey te tebek diyà te ǥawas te valey zan, ne zutun utew egkeherati is diyà te seled. Ebpemematey is menge meǥurang, menge vetan-en, wey menge vatà.

Deuteronomio 28:52

Edsurungen dan is langun he menge inged niw he ibeǥey keniyu te Nengazen he Megbevayè niw taman te egkelempag is metikang wey melig-en he menge verengbeng he iyan edseriǥan niw.

Leviticus 26:33

Ebpeeǥiyan ku sikiyu te tebek he edezaat te tanè niw ragkes en is menge inged kayi, ne ibpeyapat ku sikiyu ziyà te zuma he menge nasyun, ne egkehimu he mekevulungbulung is tanè niw.

Leviticus 26:31

Ebengkaǥen ku is menge inged niw wey menge simbahan niw, ne kenà ebpekepenunuat kedì is hemut te menge pemuhat niw.

Jeremias 50:35

“Siak, is Nengazen, migkaǥi a he ebpeǥezaman ku te menge etew ziyà te Babilonia is ispada te kezeetan, te menge upisyal zin, wey uluwanen he menge etew!

Penhulùhulù 2:9

Netembunan te tanà is menge pultahan te inged. Nengevengkag is menge terangka kayi, su mibpemadti heini te Nengazen. Mibihag is menge hadì wey is dungganen he menge etew te Jerusalem. In-engked en ipenurù is kesuǥuan. Wazè en menge lalag te menge ebpeneuven he ebpuun diyà te Nengazen.

Hoseas 4:16

Su utew mesinupaken is menge tig-Israel, iring sikandan te simadun he dumeraǥa he vaka. Umbe kenè ku sikandan egkaatur iring te menge kerehidu he ibpepenabtab diyà te penebtavà.

Hoseas 4:17

Iyan en ingkaapal zan is ked-azap te zuma he menge ed-ezapen. Ne bey-ani en sikandan!

Amos 6:8

Nenangdù is Nengazen he MEGBEVAYÀ, kes Megbevayà he Mekeǥeǥehem. Ke sikandin te, “Igkeepes ku is kebpelavew te menge kevuwazan ni Jacob, wey midrewakan ku is melig-en he menge vahin te inged dan. Umbe ibeǥey ku ziyà te menge kuntada is inged dan wey is langun he taǥù kayi.”

Leviticus 26:25

Ibpesurung ku sikiyu te menge kuntada niw he iyan silut niw tenged te kedsupak niw te kebpekid-uyun ku keniyu. Minsan med-eles kew pa ziyà te inged niw ebpeeǥiyan ku ǥihapun sikiyu te menge kemeresayan, ne tenged dutun egkepeǥes kew he ebpezizalem te gehem te menge kuntada niw.