Hoseas 10:14 - Manobo Western Bukidnon OT

¹⁴ ne egkehitavù diyà te keniyu is tebek ne egkewaǥey is binerengbeng he menge inged niw. Ebeelan te menge kuntada niw is iring te mibeelan ni Shalman diyà te inged he Bet Arbel, iring te midruntek din is menge iney wey is menge anak dan.

Hoseas 10:14 Marejeleo ya Msalaba

Hoseas 13:16

Ereg he edsilutan is menge tig-Samaria tenged te kebpekidsukulè dan kediey te Megbevayè dan. Egkeǥerà sikandan tenged te tebek. Edrunteken is dezeisey he menge anak dan, ne edsirian is meǥingey he menge vahi kandan.”

Habakuk 1:10

Bà dan dà edsudia is menge hadì wey menge pengulu. Ne và dan dà ed-engiti is kada vinerengbeng he inged, su ebpekeliyu zan kayi pinaaǥi te kedtambù te tanà diyà te kilid te verengbeng, ne zutun egkaaǥew zan haazà is inged.

Nahum 3:12

Is langun he vinerengbeng he menge inged niw egkeiring te kayu he higus he nelutuan en is nehuna he menge veǥas din; ne emun edhuyungen egkengeulug en ne egkehimu en he egkeenen.

Nahum 3:10

Piru minsan pa te iyan heeyan, mibihag is menge etew kayi ne miduma ziyà te zuma he lugar. Midruntek diyà te menge zalan is dezeisey pa he menge anak dan. Mibpengedinahan is dungganen he menge etew kayi ne mibahin pinaaǥi te ripa su ebpen-uripenen.

Amos 9:5

Emun egkeviten te Nengazen he MEGBEVAYÀ he Mekeǥeǥehem is tanà, egkehuyung heini ne is langun he menge meǥinged kayi ne ebpemekesineǥew. Is kegkehuyung kayi iring te kedlapey wey kegkemezahi te Wahig he Nilo ziyà te Ehipto.

Amos 3:8

Hentei man is kenà egkahandek emun edhiniǥer is erimaung? Hentei man is kenà ebpekekaǥi te menge lalag te Nengazen he MEGBEVAYÀ emun iyan en is Nengazen he MEGBEVAYÀ ebpekaǥi kandin?

Jeremias 48:41

Egkaaǥew zan is menge inged wey menge kampu te Moab. Dutun he timpu egkulbaan is menge sundaru te Moab ne egkeiring te vahi he ebeliliten.

Isaias 33:14

Mibpengerker tenged te kekahandek is menge mekesasalà diyà te Zion. Egkaǥi sikandan te, “Is Megbevayà, iring te edriyubriyub he hapuy he kenà egkeuvukan. Hentei man kenitew is ebpekeubpà diyà te etuvangan te Megbevayà?”

Isaias 17:3

Egkengevengkag is binerengbeng he menge inged diyà te Israel, ne egkaawà is kegkemekeǥeǥehem te Damascus. Is egkehitavù diyà te egkesamà he menge tig-Aram egkeiring te nehitavù te menge Israilihanen.” Iyan a, is Nengazen he Mekeǥeǥehem, is migkaǥi kayi.

2 Hadì 18:33

Duen be menge ed-ezapen diyà te minsan hendei he nasyun he nekelibri te nasyun dan puun te kegkesekupa te hadì te Asiria? Wazà iyan!

2 Hadì 17:16

Inselikwey zan is langun he menge suǥù te Nengazen he Megbevayè dan, ne nengugelingen sikandan mebaal te ledawan te zezuwa he nati he vaka, wey te tukud he simbulu te vahi he ed-ezapen he si Ashera. Mid-azap dan is andew, is bulan, wey is menge vituen wey mibeǥayan dan si Baal te zengeg.

Genesis 32:11

Ne tevangi a ǥuntaan kenikew su wey a kenà mekeizi te kakey ku he si Esau su utew ad egkahandek su kela ke edtebeken e zin, ne ebpesipelahan din is menge esawa ku wey menge anak ku.

Jeremias 13:14

Ibpebevantig ku sikandan, is menge ginikanan wey menge anak. Kenè ku ibpeehè kandan is hizu ku zutun te kedezeeti ku kandan. Iyan a, is Nengazen, is migkaǥi kayi.”

2 Hadì 17:3

Midsurung ni Hadì Shalmaneser he hadì te Asiria si Hoshea. Nehimu sikandin he sakup ni Shalmaneser ne impevayad sikandin te vuhis.

Hoseas 10:15

Iyan daan heeyan egkehitavù keniyu te menge tig-Betel su utew en subra is kelelalung niw. Dutun te egkeriwaswas pa, ne ebpatey en is hadì te Israel.”

Amos 3:14

Dutun te andew te kedsiluti ku te menge tig-Israel tenged te menge salè dan, edweǥayen ku is menge pemuhatà diyà te Betel. Epungelen ku is menge sungeysungey te menge suyuk te pemuhatà ne egkengeulug heini ziyà te tanà.

Micas 5:11

Edweǥayen ku is menge inged niw ragkes en is binerengbeng he menge inged.