Hoseas 10:13 - Manobo Western Bukidnon OT

¹³ “Piru nemula kew te kelelalung, umbe ebpekeraǥun kew zaan te kelelalung. Midtarùtarù kew, ne beǥas heeyan te kelelalung niw. Ne ǥeina te midsarig kew te kebpekegaga niw, iring te kahabet te menge sundaru niw,

Hoseas 10:13 Marejeleo ya Msalaba

Job 4:8

Sumalà te nepeniizan ku, iyan ebpekesaǥad te mezaat wey kesamuk is menge etew he ebaal te mezaat wey kesamuk.

Hoseas 8:7

“Iring sikandan te nemula te keramag ne ebpekeraǥun sikandan te eribpures. Iring dan daan te trigu he wazè din pungu he kenà ebpekeveǥey te keenen. Piru minsan ebpekeveǥey heini te keenen, ne iyan egkaan duen is menge lumelengyawà.

Erubasa 22:8

Is ebpemula te kelelalung ebpekeraǥun te kezeetan, ne kenè en ebpekependezaat te zuma.

Erubasa 1:31

ne egkeraǥun niw is mezaat he menge beǥas te vaal niw, wey is menge mezaat he pelanu niw.

Salmo 33:16

Is hadì kenà ebpekezaag te tebek tenged dà te kezakel te menge sundaru zin. Is sevaha he sundaru kenà ebpekeǥawas he libri puun te tebek tenged dà te kezesen din.

Hoseas 11:12

Migkaǥi pa is Nengazen te, “Layun e zà edterterui wey edlelunga te menge tig-Israel. Ne is menge tig-Juda mibpedayun te kebpekeziyù kayi te kedì, te Megbevayà he waǥas wey metinumanen.

Salmo 62:10

Kenè kew medsarig te kebpeneligkep te azen. Kenè niw peretenga is keupiyaanan pinaaǥi te kebpenakew. Minsan edekelè pa is ketiǥeyunan niw, ne kenè niw heini seriǥi.

Salmo 52:7

“Ahaa niw is menge etew he kenà edsarig te Megbevayà he melig-en pezem he eputè dan. Su iyan dan edseriǥan is mahabet he menge azen dan, ne mid-iseg is kegkemekeǥeǥehem dan pinaaǥi te kedezaat dan te zuma he etew.”

Hoseas 7:3

Nelipey zan is menge hadì dan wey menge upisyal zan pinaaǥi te kelelalung wey kedtarùtarù dan.

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Erubasa 19:5

Edsilutan is teruen he tistiǥus, ne kenà ebpekeǥawas te silut is minsan hentei he edtarùtarù.

Erubasa 12:19

Is menge lalag he tutuu kenà egkaawà te wazà pidtemanan, iyan, is lalag he tarù meǥaan dà egkahanew.

Erubasa 13:2

Is etew he meupiya is kebpengaǥikaǥi zin, ne meupiya is ibales kandin, piru is etew he meluiven ne edezeetan.

Isaias 17:11

minsan pa ke edtuvù heini wey ebpengevukad dutun mismu te andew te kebpemulaa niw zuen, ne wazà beǥas he egkekuwa niw puun kayi, su iyan dà egkekuwa niw is kedlised wey kenà egkeengked he kegkerasey.

Hoseas 4:2

kekenà, iyan mid-ulaula niw is kebpenrawak te zuma, kedtarùtarù, kebpenhimatey, kebpenakew, wey kebpengumpadi. Nekeeneb en heini, ne kenè en egkerintas is hinimetayà.

Hoseas 4:8

Egkesuat kew he mekesalà is menge etew ku su wey kew mekekaan te pemuhat dan he para idlumpiyu.

1 Samuel 24:14

Iyan ka hadì te Israel ne ebpen-ahaan a kenikew. Maan, hentei e ves? Iring e zè man te minatey he asu wey tilema.