Haggai 1:2 - Manobo Western Bukidnon OT

^2-3 Iyan heini migkaǥi te Nengazen he Mekeǥeǥehem pinaaǥi te ebpeneuven he si Haggai: “Migkaǥi kew te kenè pa heini timpu te ked-umana kebenguna zuen te valey ku.

Haggai 1:2 Marejeleo ya Msalaba

Ezra 4:23

Ne hein nepasad te ebasa eni Rehum, Shimshai, wey te menge zuma zan is surat ni Hadì Artaserkses, segugunè dan midhendiyà te Jerusalem ne midteǥel zan is menge Judio he engkezi zan is ked-uman kebangun duen te inged.

Nehemias 4:10

Dutun he timpu, migkaǥi is menge tig-Juda te, “Neveley key en he edterebahu. Ne zekelè pa is nengerupet he vahin te verengbeng he kinahanglan he edhekuten. Umbe kenè dey heini egkehimu te edhimasad.”

Megwewali 11:4

Emun timpu zà is ebentayan nu ne kenè ka ebpekepemula ne wazà nu egkeraǥun.

Megwewali 9:10

Beeli nu is minsan hengkey he ebeelan nu he egkehimu nu, su ziyà te ubpaan te menge minatey, he zutun is egkepengkusan nu, ne wazè en ketau etawa keuluwanen.

Numero 13:31

Piru migkaǥi sikan is menge etew he zuma ni Caleb te neniid te, “Kenè kiw ebpekehimu he edsurung kandan su edhuna sikandan he melig-en kenitew.”

Erubasa 29:25

Is kegkahandek, ebpekezezaat te etew; iyan, ke edsarig ki zà te Nengazen, ne wazè ta igkemenu.

Erubasa 22:13

Mezakel is menge pesangil te tepulan. Kenè kun sikandin egawas su zuen kun erimaung diyà te ǥawas he edawi kandin.

Haggai 1:1

Dutun te nehuna he andew te ikeenem he vulan, dutun te ikezuwa he tuig te kedhadì ni Darius diyà te Persia, duen migkaǥi te Nengazen diyà te ki Zerubabel wey ki Josue pinaaǥi te ebpeneuven he si Haggai. Si Zerubabel he anak ni Shealtiel iyan gubirnedur ziyà te Juda, ne si Josue he anak ni Jehozadak iyan lavew he memumuhat.

2 Hadì 12:7

Umbe, impetawag ni Hadì Joash si Jehoyada wey is duma pa he menge memumuhat ne mid-insaan din te, “Maan is wazè niw pa pepurungi sikan is baley te Nengazen? Puun guntaan ne kenè niw en gestuwa is selapì diyà te keugelingen niw he menge kinahanglan. Ereg he ziyè en heini egemita te kebpurungi zuen te valey te Nengazen!”

Megwewali 3:3

duen timpu te kedhimatey wey timpu zaan te kebawì, duen timpu te kedrundus wey timpu zaan te ked-uman kedtukud,