Genesis 47:29 - Manobo Western Bukidnon OT

²⁹ Hein egkeǥezam din he meǥaan en sikandin egkeumuri, mid-umew zin si Jose, ne ke sikandin diyà te kandin te, “Emun egkehimu isavuk nu is belad nu kayi te laang ku, ne penangdù ka he ipeehè nu he kenà egkaawà is gaǥew nu kedì. Kenà a ileveng kayi te Ehipto.

Genesis 47:29 Marejeleo ya Msalaba

Deuteronomio 31:14

Migkaǥi is Nengazen diyà te ki Moises te, “Meǥaan ke en ebpatey; umbe ipetawag nu si Josue ne hendiyè kew te Tulda he Edtelevukaayan su ibpenurù ku kandin dutun is ereg he ebeelan din.” Umbe midhendiyà si Moises wey si Josue te Tulda he Edtelevukaayan.

Genesis 24:49

“Ne ǥuntaan, egkesuatan ku he metueni ku ke ibpeesawa niw si Rebeka ki Isaac he iyan kebpaahà niw te keupiya niw te egalen ku. Keǥi kew he zaan para metueni ku zaan ke hengkey is ed-ul-ulahan ku.”

Genesis 24:2

Sevaha zutun he andew, migkeǥiyan ni Abraham is egalen te menge suluǥuen din he iyan sineriǥan te langun he menge azen din te, “Isavuk nu is belad nu kayi te laang ku. Tuus heini te penaad nu he edtistiǥusan te Nengazen, he iyan dà Megbevayà te langit wey tanà, ne kenè ka mebpilì te ed-esawaan te anak ku he si Isaac te vahi he tig-Canaan he emurè tew kayi te mid-ubpaan tew ǥuntaan.

1 Hadì 2:1

Hein hapit en ebpatey si David, duen pemilinbilin din diyà te anak din he si Solomon. Iyan heini pemilinbilin din:

Salmo 89:48

Hentei is etew he kenà ebpatey? Ebpekelikey ve is etew te kemetayen?

Salmo 49:9

para meuyag is etew te wazà pidtemanan ne kenè en mebpatey.

Salmo 49:7

Is etew kenà ebpekehimu he ebayad diyà te Megbevayà para kenè en sikandin mebpatey.

Salmo 6:5

Su emun ebpatey a, ne kenè ku en maan sikew egketenuzan; kenà ad maan ebpekezalig kenikew ziyà te lugar te menge minatey.

Job 30:23

Netuenan ku he ed-uwiten a kenikew ziyà te lugar te menge minatey, ziyà te lugar he inteǥana nu he egkepeveyaan te langun he etew.

Job 14:14

Emun ebpatey is etew egkeuman pe be sikandin egkeuyag? Piru ed-entusen ku is tivuuk he timpu te kebpekaantus ku taman te egkeuma is timpu te kegkepasad kayi.

Job 7:1

“Is kebpekesavuk te etew kayi te kelibutan ne utew melised; iring kelised te andew-andew he terebahu te sevaha te terebahanti,

2 Samuel 14:14

Is langun he etew ebpatey, iring te wahig he egkeulaan diyà te tanà he kenè en ebpekelikù. Piru kenà igkesuat te Megbevayà is kegkuwaa te untung te etew; iyan pa ganì egkesuatan din he medlikù diyà te kandin is menge etew he mibpekeziyù kandin.

2 Samuel 7:12

Emun ebpatey kad ne idleveng ka zuma te menge kepuun nu, ibpuli ku kenikew is sevaha te menge anak nu, ne edlig-enan ku is ginhedian din.

Genesis 47:9

Ne midtavak si Jacob te, “130 en is penuiǥen ku. Mevavè dà is kedì he untung ne mereǥen is neulaula ku. Is keluǥayad te kedì he untung ne kenà ebpekerepeng te keluǥayad te untung te menge kepuun ku.”

Genesis 3:19

Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”

Genesis 27:2

Migkaǥi si Isaac te, “Meǥurang e en utew, ne kenè en egkeuǥet ne ebpatey a.

Genesis 50:5

he tuǥuti e zin te kedleveng te amey ku ziyà te Canaan. Su zuen intelaan kediey te amey ku, ne impepenangdù e zin he ke sikandin te, ‘Emun ebpatey a kinahanglan he ziyà a kenikew ileveng te penlevengà he zaan he mid-andam ku ziyà te tanà he Canaan.’ Ne emun egkepasad is kedlevenga kandin, ne edlikù e zed dini.”

1 Samuel 26:10

Ibpesarig ku he edsilutan sikandin te uuyag he Nengazen, ne iyan is Nengazen edhimatey kandin, etawa ebpatey sikandin te daru etawa tebek.

2 Samuel 2:32

Migkuwa eni Joab is minatey he lawa ni Asahel ne inleveng diyà te midlevengan te amey zin diyà te Betlehem. Ne zutun tivuuk he mezukilem is kedhipanew zan, ne nekeuma sikandan diyà te Hebron.

Genesis 48:21

Ne zutun migkaǥi si Israel ziyà te ki Jose te, “Meǥaan en is kebpatey ku, iyan, edumahan kew zed te Megbevayà, ne ibpeulì din ded keuzemà is menge kevuwazan tew ziyà te tanà he mid-ubpaan te menge kepuun tew.

Genesis 50:12

Midtuman te menge anak ni Jacob is intelaan din kandan.

Deuteronomio 31:16

Ne migkaǥi is Nengazen diyà te ki Moises te, “Meǥaan ke en ebpatey ne ebpekaamur ka ziyà te menge kepuun nu. Emun wazè ke en, ne heini he menge etew ed-azap te zuma he menge ed-ezapen he ed-ezapen te menge etew ziyà te tanà he ebpeveyaan dan. Ed-iniyuǥan e zan ne edrepasen dan is kebpekid-uyun ku kandan.

Josue 2:14

Ne migkaǥi haazà is dezuwa he meniniid diyà te ki Rahab te, “Iyan igerentiya zey is untung dey! Basta kenè nu idtug-an is kebpeniid dey kayi, kenè dey sikew ebmenuwen emun ibeǥey en te Nengazen kenami heini he tanà.”

Josue 23:14

“Hapit ad ebpatey. Netuenan niw pinaaǥi te tivuuk he gehinawa niw wey isip niw he midtuman te Nengazen he Megbevayè niw is langun he menge meupiya he insaad din keniyu. Wazà minsan sevaha he wazà metuman.