Genesis 46:6 - Manobo Western Bukidnon OT

^6-7 Midtundan dan daan is langun he menge uyaǥen dan wey mid-uwit dan is menge ketiǥeyunan dan he nekuwa zan diyà te tanà he Canaan. Miduma ni Jacob pehendiyà te Ehipto is langun he menge kevuwazan din: is menge anak din wey menge apù din.

Genesis 46:6 Marejeleo ya Msalaba

Salmo 105:23

Ne midhendiyà ensi Jacob te Ehipto he iyan kes tanà te menge kevuwazan ni Ham, ne mid-ubpà sikandan dutun he menge lumelengyawà.

Josue 24:4

ne si Isaac ne iyan amey ni Esau wey ni Jacob. Imbeǥey ku ki Esau is buvungan te Seir he kandin he vahin, piru is kepuun niw he si Jacob wey is menge anak din ne midhendiyà te Ehipto.

Deuteronomio 26:5

Ne kaǥi kew ziyà te etuvangan te Nengazen he Megbevayè niw te: ‘Is kepuun dey he si Jacob, sevaha he Aramihanen he wazà dengan netendek he ubpeey zin. Midhendiyà sikandin te Ehipto ne mid-ubpà diyà duma te pemilya zin. Deisey zà sikandan dengan, piru te huziyan he timpu mibmahabet sikandan, midekelè dan, ne nehimu zan he mekeǥeǥehem he nasyun.

1 Samuel 12:8

“Hein diyè pa te Ehipto is menge kevuwazan ni Jacob, mibuyù dan te penavang te Nengazen, ne midsuǥù te Nengazen si Moises wey si Aaron he iyan mibpeǥawas kandan diyà te Ehipto ne iyan miduma kandan kayi he tanà.

Deuteronomio 10:22

Hein midhendiyà is menge kepuun niw te Ehipto, menge 70 dà sikandan, piru ǥuntaan impemezakel kew te Nengazen he Megbevayè niw he iring te menge vituen diyà te langit.

Numero 20:15

Is menge kepuun dey midhendiyà te Ehipto, ne neuǥet is ked-ubpè dey ziyà. Impaantus key wey is menge kepuun dey te menge Ehiptohanen,

Genesis 15:13

Ne migkeǥiyan sikandin dutun te Nengazen te, “Tentenuzi nu he is menge kevuwazan nu, ne egkehimu zan keuzemà he menge lumelengyawà ziyà te zuma he nasyun. Egkengeuripen sikandan wey ebpesipelahan sikandan seled te 400 he tuig.