Genesis 46:12 - Manobo Western Bukidnon OT

¹² Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

Genesis 46:12 Marejeleo ya Msalaba

1 Cronica 4:21

Iyan heini menge kevuwazan ni Shela he anak ni Juda: si Er (he amey ni Leca), si Laada (he amey ni Maresha), wey menge pemilya te menge tighavel te linu ziyà te Bet Ashbea.

Genesis 38:10

Ne mezaat diyà te etuvangan te Nengazen haazà is mibeelan ni Onan, umbe midhimetayan din si Onan.

Genesis 38:7

Piru mezaat is ulaula ni Er ziyà te etuvangan te Nengazen, umbe midhimetayan sikandin te Nengazen.

Genesis 29:35

Mibmeǥingey med-uman si Lea ne mid-anak sikandin te sevaha pa he maama. Migkaǥi sikandin te, “Edeliǥen ku is Nengazen.” Umbe migngezanan din haazà is batà te Juda. Puun dutun, wazè en sikandin med-anak.

Salmo 78:68

Su iyan din mibpilì is tribu ni Juda wey is Buvungan he Zion he utew zin minahal.

1 Cronica 5:2

Ne si Juda, minsan te edhuna sikandin he gemhanan kenà te menge suled din, wey ebpuun te tribu zin is menge pengulu ne in-awà diyà te kandin is ketenged te kegkekakey zin ne ziyà iveǥey te ki Jose.

1 Cronica 3:1

Iyan heini menge anak ni David he neetew ziyà te Hebron: Is kinekekayan iyan si Amnon he anak din diyà te ki Ahinoam he tig-Jezreel. Is ikezuwa iyan si Daniel he anak din diyà te ki Abigail he tig-Carmel.

1 Cronica 2:1

Iyan heini sikandan menge anak ni Israel he menge maama: Reuben, Simeon, Levi, Juda, Isacar, Zebulun,

Zatù 1:2

Midtavak is Nengazen te, “Iyan is tribu ni Juda, su ebpeveyveyaan ku kandan heeyan is tanà.”

Deuteronomio 33:7

Mehitenged te tribu ni Juda, migkaǥi si Moises te, “He Nengazen, pemineǥa nu is hangyù te penavang te tribu ni Juda. Iuman nu sikandan ilikù diyà te menge tribu te Israel. Pengelangi nu wey tevangi nu sikandan kuntra te menge kuntada zan.”

Genesis 38:4

Mid-uman sikandin mebmeǥingey ne mid-anak en maan te maama ne migngezanan din te Onan.

Genesis 46:11

Is menge anak he maama ni Levi ne iyan si Gershon, si Kohat, wey si Merari.

Genesis 46:13

Is menge anak he maama ni Isacar ne iyan si Tola, si Pua, si Jashub, wey si Shimron.

Ruth 4:12

Berakat daan he pinaaǥi te menge anak he ibeǥey te Nengazen keniyu ki Ruth, mevantug is menge kevuwazan niw iring te nevantug daan is menge kevuwazan te kepuun nu he si Perez he anak ni Juda wey ni Tamar.”

1 Cronica 9:4

Si Utai he anak ni Amihud (si Amihud ne anak ni Omri; si Omri ne anak ni Imri. Si Imri ne anak ni Bani, he kevuwazan ni Perez he anak ni Juda).

Genesis 38:5

Ne mid-uman en maan sikandin mebmeǥingey ne mid-anak en maan te maama ne migngezanan din haazà te Shela. In-anak si Shela ziyà te Kezib.

1 Cronica 4:1

Iyan heini zuma pa he menge kevuwazan ni Juda: si Perez, Hezron, Carmi, Hur, wey si Shobal.

1 Cronica 9:6

Diyà te Sirahanen: iyan is pemilya ni Jeuel. 690 sikandan is langun he ebpuun te tribu ni Juda.

Nehemias 11:24

Si Petahia he anak ni Meshezabel, he sevaha te menge kevuwazan ni Zera te anak ni Juda, iyan beǥelawa te menge Israilihanen te ked-etuvang te hadì te Persia.