Genesis 45:19 - Manobo Western Bukidnon OT

¹⁹ Keǥiyi nu sikandan he med-uwit dan te menge kerumata he ebpuun kayi te Ehipto he egkeuntuzan te menge esawa zan wey te menge anak dan wey zan mekahalin dini. Ne uwita zan dini is amey zan.

Genesis 45:19 Marejeleo ya Msalaba

Genesis 46:5

Ne zutun, migenat en maan ensi Jacob he ebpuun te Beersheba, ne impeuntud dan sikandin te menge kerwahi he imbeǥey te hadì te Ehipto para kandin. Ne impeuntud dan daan is menge esawa zan wey menge anak dan.

Genesis 45:27

Piru hein midtudtulan dan sikandin te langun he migkaǥi ni Jose ziyà te kandan, wey hein neehè din is menge kerwahi he impeuwit ni Jose he ebpeuntuzan kandin wey mekehalin sikandin diyà te Ehipto, ne nekelikù is hustu he ked-isip-isip din.

Isaias 49:23

Ebpenilbi kenikew is menge hadì wey menge rayna. Iyan sikandan ed-atur kenikew. Edluhud sikandan is edtahud kenikew, ne ebpesakup dan kenikew. Ne zutun egketuenan nu he iyan a Nengazen, ne is edsarig kediey ne kenà egkepakyas.”

Isaias 49:1

Pemineg kew kediey, sikiyu is diyà te meziyù he menge lugar. Hein wazà e pa ianak mid-umew e en te Nengazen te kedsilbi kandin.

Genesis 45:20

Kenè dan menuǥuni is menge azen dan he egkengetaǥak dan su is menge meupiya he menge azen kayi te tivuuk he Ehipto ne egkaangken dan.”

Genesis 45:21

Midtuman heini te menge anak ni Jacob. Ne sumalà te suǥù te hadì te Ehipto, impeuwit ni Jose is menge suled din te menge kerumata ne impelulutù din te egkekaan dan te edhipanew.

Numero 7:3

Mid-uwit dan diyà te etuvangan te Nengazen te heenem he kerumata wey 12 he vaka, sevaha he kerumata is mid-uwit te kada zezuwa he pengulu, ne sevaha he vaka is mid-uwit te kada sevaha kandan. Mid-uwit dan haazà diyà te egkesineruwan duen te Tulda he Ed-ezapan.