Genesis 45:10 - Manobo Western Bukidnon OT

¹⁰ Keǥiyi niw sikandin he egkehimu he ebpekeubpà sikandin diyà te inged he Goshen duma te menge anak din wey menge apù din, menge uyaǥen, wey is langun he menge azen din, para uvey zà sikandin kayi te kedì.

Genesis 45:10 Marejeleo ya Msalaba

Exodus 9:26

Iyan dà wazà duen giyew is tanà he Goshen he zutun ed-ubpà is menge Israilihanen.

Exodus 8:22

Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 47:1

Ne midhendiyà si Jose te hadì te Ehipto ne ke sikandin te, “Nemekeume en is amey ku wey menge suled ku he ebpuun te tanà he Canaan, ne uwiten dan is langun he menge azen dan wey menge uyaǥen dan, ne ziyè dan en te Goshen.”

Genesis 47:6

egkehimu he ebpekeubpà is pemilya nu kayi te Ehipto. Diyè nu ipeubpà sikandan te Goshen, he sevaha te meupiya he tanà te Ehipto. Emun duen nu netuenan kandan he egkeseriǥan, himuwa nu sikandan he menge bekidu te menge uyaǥen ku.”

Genesis 47:4

Ne migkaǥi zan daan te, “Midhendini key su zini key zèpa ed-ubpà su utew gerabi he vitil ziyà te Canaan, ne wazè en egkepenebtavan te menge uyaǥen dey. Pekelalaglalag ka he tuǥuti key he mekeubpè key ziyà te Goshen.”

Genesis 47:12

Ne is amey zin, is menge suled din, wey is langun he menge sakup te amey zin ragkes te menge vatà, ne midsupurtar ni Jose te egkeenen.

Ester 10:3

Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.