Genesis 44:33 - Manobo Western Bukidnon OT

³³ Ne pekelalaglalag ka ǥuntaan ne ituǥut nu he iyan a is suluǥuen nu ebpetaǥak kayi su iyan a ed-uripenen he id-ilis te hazi ku ne ipeulì nu zed sikandin duma is menge suled din.

Genesis 44:33 Marejeleo ya Msalaba

Exodus 32:32

Ne edhengyuan ku sikew he peseyluwa nu sikandan dutun te salè dan; ne emun kenè nu en sikandan ebpeseyluwen, ne penasa nu en daan is kedì he ngazan duen te libru he zutun nu ilista is menge ngazan te menge etew nu.”

Genesis 44:32

Siak is sevaha he suluǥuen nu, mibpesarig a ziyà te amey zey he wazà mezaat he egkeulaula te anak din he ke siak te, ‘Emun kenè ku sikandin igkeulì kayi ne kediey he salà diyà te kenikew te wazà pidtemanan.’

Genesis 44:34

Su kenà a ebpekeulì diyà te amey ku emun kenà ebpekezuma is hazi ku. Kenè ku egkaantus is utew gerabi he kegkeseeng te amey ku.”

Genesis 44:10

Ne midtavak haazà is suluǥuen ni Jose te, “Uya, emun duen minsan hentei keniyu he egkaahaan ku kayi ne ed-uripenen ku sikandin, ne is duma keniyu ne wazè din mulà televaken.”

2 Samuel 24:17

Hein naahà ni David haazà is belinsuǥuen he mibpenhimatey te menge etew, migkeǥiyan din is Nengazen te, “Iyan a nekesalà. Heini is menge etew ne wazè dan peleng iring te menge kerehidu. Wazè dan mekevaal te salà. Iyan e en wey is pemilya ku siluti.”