Genesis 44:29 - Manobo Western Bukidnon OT

²⁹ Ne emun edumahan niw si Benjamin ne ke zuen mezaat he egkeulaula kandin, siak is uvanen en, tenged keniyu kenè en egkaawà is utew ku kegkeseeng taman te kenè e pa ebpatey.’

Genesis 44:29 Marejeleo ya Msalaba

Genesis 42:38

Piru midtavak si Jacob te, “Kenà egkehimu he ibpezuma ku keniyu si Benjamin. Minatey en is kakey zin ne iyan dà sikandin nesamà is sebsevaha. Kele ke zuen mezaat he egkeulaula kandin diyà te hipenawan, ne siak meǥurang e en, kela ke iyan ibpatey ku is kegkeseeng ku.”

Genesis 43:14

Berakat he pengelinteuwi te Mekeǥeǥehem he Megbevayà he mehizuwi kew zin su wey ituǥut din he mekeulì si Simeon wey si Benjamin. Ne siak, emun iyan imbanglis kediey he egkeewaan e pa te menge anak ku ne kinahanglan he ed-entusen ku.”

Deuteronomio 31:17

Dutun he andew egkepeukan ku sikandan ne ed-engkezan ku sikandan. Ed-iniyuǥan ku sikandan ne egkengezeetan dan. Mahabet he menge kemeresayan wey menge kemereǥenan he ebpekeuma ziyà te kandan, ne zutun he timpu ebpekeinsè sikandan te, ‘Iyan be ingkeul-ulaha te menge kemereǥenan diyà te kenitew is tenged te wazè en mebpekiduma kenitew is Megbevayà?’

Genesis 42:36

Ne migkaǥi si Jacob diyà te kandan te, “Pinaaǥi keniyu egkeewaan a te menge anak ku. Su minatey en si Jose, neewaan a ni Simeon, ne egkuwaan niw pe bes si Benjamin? Utew e en nerasey.”

Genesis 37:35

Midhendutun te kandin is langun he menge anak din su edlenganen dan, piru wazà maawà is kegkeseeng din. Ke sikandin te, “Beleǥaza ad keniyu! Iyan ibpatey ku is kegkeseeng ku tenged te kebpatedany te anak ku.” Ne midsigudu en sikandin medsineǥew tenged ki Jose.

Genesis 42:4

Wazà ni Jacob ibpezuma si Benjamin is hazi ni Jose te menge kakey zin, su egkahandek si Jacob kela ke zuen mezaat he egkeulaula ki Benjamin.