Genesis 43:7 - Manobo Western Bukidnon OT

⁷ Ne midtavak dan te, “Geina te mibpeniguduwan key zin insai mehitenged te pemilya tew. Ke sikandin te, ‘Uuyag pe be is amey niw? Duen niw pe be hazi?’ Umbe intug-an dey su wazè dey isipa he egkeǥiyen din he kinahanglan he edumahan dey pa is hazi zey ziyà te Ehipto.”

Genesis 43:7 Marejeleo ya Msalaba

Genesis 43:3

Ne midtavak si Juda te, “Haazà is gubirnedur, mibpeketelteleenan key zin he kenà egkehimu he ebpekeetuvang key ziyà te kandin emun kenè dey egkezuma is hazi zey.

Genesis 43:27

Ne nenginginsà si Jose kandan ke egkemenumenu zan en. Ne nenginginsè en maan sikandin te, “Egkemenumenu en is amey niw he meǥurang en he midtudtul niw zengan kedì? Uuyag pe be sikandin?”

Genesis 42:13

Ne midtavak dan te, “Sikami, datù, is menge suluǥuen nu, ne sepulù key wey zezuwa he menge anak te sevaha zà he etew. Diyè pa is amey zey te Canaan. Diyà daan te kandin is hazi zey. Duen pa sevaha he hazi zey he minatey en.”

Genesis 43:6

Ne migkaǥi si Jacob te, “Maan is midhimu niw he utew a meseeng? Maan is migkaǥi niw kandin he zuen niw pa hazi?”

Genesis 44:19

Dutun te nehuna he kedhendini zey, in-insè nu kenami te menge suluǥuen nu ke zuen dey pa amey wey hazi.

Genesis 42:11

Su menge anak key pudu te sevaha zà he etew. Kenè key teruen su sikami is menge suluǥuen nu, kenà iyan dey inhendini is kebpeniid!”