Genesis 41:13 - Manobo Western Bukidnon OT

¹³ Ne sumalà is kehuluǥan te kada sevaha ne iyan daan neulaula kenami, su siak, impelikù a kenikew kayi te zaan he terebahu ku ne sikan is sevaha, ne impevitey nu.”

Genesis 41:13 Marejeleo ya Msalaba

Ezekiel 43:3

Ne heini is nelewasan ku, ne iring te nelewasan ku hein midezeetan te Megbevayà is inged he Jerusalem, wey iring daan heini zuen te nelewasan ku ziyà te veyvey te Wahig he Kebar. Ne kegkaahaa ku zutun midlangkeb a ziyà te tanà.

Jeremias 1:10

Guntaan he andew mibpilì ku sikew he perekaǥi ziyà te menge nasyun wey menge ginhedian. Keǥiyi nu is menge etew ziyà te menge nasyun wey menge ginhedian he is duma kandan egkengepiley wey egkengezeetan. Ne is duma kandan, ed-enew ne ed-uman edhitindeg.”

Genesis 40:12

Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.

Genesis 40:1

Mibpenlavey is timpu, is pengulu te pereuwit te vinu te hadì wey kes pengulu te mememaal te supas ne nekesalà diyà te kandin. Utew nepeuki te hadì haazà is dezuwa he menge upisyal zin.