Genesis 34:25 - Manobo Western Bukidnon OT

²⁵ Kedlevey zutun te tetelu he andew, zutun te kemulu pa egkesekiti is menge maama te kedsirkunsidara kandan, midseled dutun te inged kes dezuwa he menge anak ni Jacob, si Simeon wey si Levi, is menge kakey ni Dina. Wazà metueni te menge etew zutun he mezaat bes is tuyù dan. Mid-uwit dan te ispada ne mibpenhimetayan dan is langun he menge maama zutun.

Genesis 34:25 Marejeleo ya Msalaba

Erubasa 4:16

Su kenè dan ebpekelipezeng emun kenè dan pa ebpekevaal te mezaat etawa ebpekependelahig te zuma.

2 Cronica 32:25

Piru mebpagalbu si Hezekia ne wazè din beliya is keupiya he impaahà te Nengazen kandin. Umbe nepeukan sikandin te Nengazen wey is menge tig-Juda wey menge tig-Jerusalem.

Josue 5:8

Ne hein nengesirkunsidar en sikandan, mid-ubpàubpà dà sikandan diyà te kampu zan taman te nengeulian dan.

Numero 31:17

Umbe, geraa niw is langun he menge vatà he maama wey is langun he menge vahi he nehilevetan en te maama.

Numero 31:7

Nekidtebek sikandan te menge Midianhen, sumalà te insuǥù te Nengazen ki Moises ne mibpenhimetayan dan is langun he menge maama.

Genesis 34:26

Midhimetayan dan si Hamor wey is anak din he si Shekem, ne migkuwa zan dutun si Dina te valey ni Shekem ne migenat dan.