Genesis 33:18 - Manobo Western Bukidnon OT

¹⁸ Hein neuǥet ne nekeuma sikandan diyà te Canaan puun te Padan Aram he wazà mezaat he neulaula kandan. Nekeuma zan diyà te inged he Shekem. Ne impehitindeg dan dutun is menge tulda zan diyà te uvey zutun te inged.

Genesis 33:18 Marejeleo ya Msalaba

Zatù 9:1

Ne sevaha he andew, midhendiyà si Abimelec he anak ni Gideon te menge kezuzumahi te iney zin diyà te Shekem ne migkeǥiyan din sikandan te,

Josue 24:1

Ne zutun midtiǥum ni Josue is langun he tribu te Israel ziyà te Shekem. Ne mid-umew zin is ebpemendumala, menge pengulu, menge zatù, wey menge upisyal te Israel, ne mid-uvey zan diyà te etuvangan te Megbevayà.

Genesis 25:20

Menge 40 en is penuiǥen ni Isaac dutun te kebpekeesawa zin ki Rebeka he anak ni Betuel he Aramihanen he tig-Padan Aram. Etevey si Rebeka ni Laban he Aramihanen daan.

Genesis 46:15

Iyan heini menge anak wey menge apù ni Jacob he in-anak ni Lea ziyà te inged he Padan Aram. Ne 33 is langun he menge kevuwazan ni Jacob wazà lavet te anak din he vahi he si Dina.

Genesis 35:9

Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.

Genesis 28:2

Penines ka, ne pehendiyè ka te Padan Aram, diyà te apù nu he si Betuel he amey te iney nu. Diyè ka pengesawa te sevaha te menge raǥa he anak ni Laban te meemahan te iney nu.

Genesis 12:6

Ne hein nekeuma zan diyà te Canaan midlaus pa ensi Abram taman te zekelà he kayu he More he ziyà te inged he Shekem. (Ne zutun he timpu iyan meǥinged dutun is menge kevuwazan ni Canaan.)

Genesis 37:13

Ne zutun, migkeǥiyan ni Jacob si Jose te, “Is menge kakey nu ne ziyà te Shekem su ebpemepenabtab dan te menge uyaǥen tew.

Genesis 48:7

Ne zutun migkaǥi pa maan sikandin te, “Egketenuzan ku is kebpatey te iney nu. Ebpuun key zengan diyà te Padan ne midhipanew key pehendiyà te tanà te Canaan. Hein uvey key en diyà te Efrat ne minatey sikandin, umbe ziyè ku zà sikandin ileveng te kilid te zalan pehendiyà te Efrat.” (Ne haazà is inged he Efrat ne iyan guntaan inged he Betlehem.)

Salmo 60:6

He Megbevayà, migkaǥi ka ziyà te valey nu te, “Ebpekezaag a; ebehinen ku is Shekem wey is Suǥud he Sucot ne ibpemeǥey ku ziyà te menge etew ku.

Jeremias 41:5

duen 80 he menge etew he edhendiyà te Mizpa he ebpuun diyà te Shekem, Shilo, wey Samaria. Migkiskisan dan is menge sumpè dan, mibindasbindas dan is menge visti zan, wey mibpemelian dan is menge lawa zan tenged te kedlelaw zan. Duen uwiten dan he menge pemuhat he para gasa wey veyewà he edtutungen dan diyà te valey te Nengazen.

Genesis 31:25

Mibpehitindeg si Jacob te tulda zin diyà te menge vuvungan te Gilead dutun te kegkeumahi kandin ni Laban. Ne zutun daan mebpehitindeg si Laban wey is menge zuma zin te menge tulda zan.