Genesis 30:4 - Manobo Western Bukidnon OT

⁴ Ne imbeǥey ni Raquel ki Jacob si Bilha is uripen din para mehimu he esawa zin daan, ne mibpekidhulid si Jacob kandin.

Genesis 30:4 Marejeleo ya Msalaba

2 Samuel 12:11

“Iyan pa heini egkeǥiyen te Nengazen: ‘Duen ebpuun te pemilya nu he edsukul kenikew. Ibeǥey ku is menge esawa nu ziyà te etew he kenè nu selakew, ne ebpekidhulid sikandin kandan minsan duen ebpekaahà.

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 33:2

Ne hein migenat sikandan, impehuna zin is dezuwa he menge suluǥuen din wey is menge anak dan, ne edtinundug si Lea wey is menge anak din, ne midtinundug si Raquel wey is anak din he si Jose.

Genesis 25:6

Piru te wazè pa mebpatey si Abraham, duen daan impemeǥey zin diyà te menge anak din he maama he anak te zuma he menge esawa zin, ne ziyè din sikandan ipeubpà te tanà he zapit te edsilaan, he meziyù te anak din si Isaac.

Genesis 25:1

Ne mid-uman mebpengesawa si Abraham te vahi he migngezanan ki Ketura.

Genesis 22:24

Duen pa menge anak ni Nahor ziyà te sevaha he esawa zin he si Reuma. Iyan ensi Tiba, Gaham, Tahash wey si Maaca.

Genesis 21:10

Umbe migkaǥi si Sara ziyà te ki Abraham te, “Segseǥa nu heeyan is uripen he vahi wey is anak din, su kenà egkehimu he ebpekaambit is anak te uripen te egkepenunud te anak ku he si Isaac.”

Genesis 16:2

Ne migkaǥi si Sarai ziyà te ki Abram te, “Tenged te wazà ituǥut te Nengazen he mekaanak a, deyzey pa vuwa ke edhulizan nu is uripen ku, su kela ke egkehimu he pinaaǥi kandin duen ku zed menge anak.” Ne mid-uyun dutun si Abram te sambag ni Sarai.

Genesis 30:5

Mibmeǥingey si Bilha, ne mid-anak te maama.

Genesis 29:29

(Imbeǥey zaan ni Laban si Bilha is suluǥuen din he vahi ziyà te ki Raquel su wey mehimu he suluǥuen din.)

Genesis 46:25

Menge kevuwazan heini ni Bilha, sikan is suluǥuen he imbeǥey ni Laban diyà te anak din he si Raquel. Pitu sikandan he menge kevuwazan daan ni Jacob.