Genesis 30:33 - Manobo Western Bukidnon OT

³³ Ne emun egkeuǥet en, egketuenan nu ke egkeseriǥan a wey ke kenà, su edsusiyen nu haazà is menge uyaǥen he insuhul nu kedì. Emun duen egkeehè nu he kambing he kevangan etawa kerehidu he kenà meitem, keǥiya nu he tinakew ku.”

Genesis 30:33 Marejeleo ya Msalaba

Isaias 59:12

Su mahabet en is menge salè tew ziyà te etuvangan te Megbevayà, ne iyan heini ebpeǥumbenar he ereg kiw he edsilutan. Uya, netuenan tew he layun kiw ebaal te salà.

Salmo 37:6

Edhimuwen din he utew keladu is kebpezeyaǥa zin he metazeng ka wey wazè nu salà, iring kekeladu te silà te andew ke meudtu.

2 Samuel 22:21

Edtuvazan a kenikew su ǥeina te metazeng a, wey wazè ku neveelan he salà.

1 Samuel 26:23

Imbeǥey ka te Nengazen kedì guntaan he andew, piru wazè ku zà sikew himetayi su iyan ka mibpilì te Nengazen he hadì. Te heini he mibeelan ku, edtuvazan a te Nengazen, su iyan sikandin ebales dutun te menge metazeng wey menge metinumanen.

Exodus 13:14

Dutun te huziyan he timpu, emun ed-insà is menge anak niw ke hengkey is ibpesavut dutun, ne ke sikiyu te, ‘Impeǥawas kiw te Nengazen puun diyà te Ehipto su midlibri kiw zin te kegkeuripena kenitew pinaaǥi te kegemita zin te ǥehem din.

Genesis 31:37

Guntaan te nesusi nu en is langun he azen ku, emun duen azen nu he neehè nu, isavuk nu kayi te etuvangan te menge kezuzumahi ku wey te menge kezuzumahi nu, para meehè dan, ne iyan en sikandan metau ke hengkey is kandan he kukuman para kenita.

Genesis 30:32

Iyan heini: edsusiyen ku ǥuntaan is menge uyaǥen nu ne egkuwaan ku is meitem he menge kerehidu wey kevangan he menge kambing. Iyan dà haazà suhul ku.

Genesis 30:34

Midtavak si Laban te, “Emun iyan heeyan egkesuatan nu, ebpemineg a.”