Genesis 29:18 - Manobo Western Bukidnon OT

¹⁸ Tenged te egkesuatan ni Jacob si Raquel, migkeǥiyan din si Laban te, “Edterebahu a kayi te kenikew seled te pitu he tuig emun ibpeesawa nu kedì si Raquel.”

Genesis 29:18 Marejeleo ya Msalaba

Hoseas 12:12

“Mibpelaǥuy si Jacob pehendiyà te Aram, ne midterebahu sikandin te ked-atur te menge uyaǥen su wey zin meesawa is ed-esewaan din.

Genesis 34:12

Minsan pira is ibpesunggud niw kediey wey is minsan hengkey he ebuyuen he igasa ku kandin ne ibeǥey ku asal ipeesawa niw kediey si Dina.”

Hoseas 3:2

Umbe, mibpemasa ku is esawa ku te 15 he pelata wey heepat he saku he barli.

2 Samuel 3:14

Midsuǥù si David te etew he ibpepenudtul ziyà te ki Ishboshet te, “Ilikù nu kayi te kedì is esawa ku he si Mical. Su 100 he Filistihanen is midhimetayan ku ne migkuwa ku is lundis te purù te sineruwan dan he iyan sunggud ku te ked-esewaa ku ki Mical.”

Genesis 31:41

Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.

Genesis 29:30

Ne mibpekidhulid si Jacob ki Raquel. Utew minahal ni Jacob si Raquel kenà si Lea. Ne mid-uman en maan si Jacob mebpeniwakà diyà te ki Laban te pitu pa maan he tuig.

Genesis 29:20

Ne zutun, impepeniwakà ni Laban si Jacob taman te pitu he tuig wey zin meesawa si Raquel. Tenged te utew zin nesuati si Raquel henduen te pira zà he andew ziyà te kandin haazà is pitu he tuig.

Genesis 24:67

Ne miduma ni Isaac si Rebeka ziyà te tulda he mid-ubpaan dengan te iney zin he si Sara. Ne neked-esawa zan ne utew mibmahal ni Isaac si Rebeka. Human maawà is seeng ni Isaac tenged te kebpatey te iney zin.

Genesis 29:19

Migkaǥi si Laban te, “Deyzey pa ke iyan ke zà ebpekeesawa kandin kenà te zuma he maama. Kayi ke zà ubpà.”

Genesis 30:26

Iveǥey nu en kediey is menge esawa ku he mibpenilbiyan ku ziyan te kenikew wey menge anak ku, su ed-ulì e en. Netuenan nu ke hengkey kezekelà is nehimu ku te kebpenilbi ku kenikew.”