Genesis 27:14 - Manobo Western Bukidnon OT

¹⁴ Ne migenat si Jacob is egkuwa te kambing, ne mid-uwit din diyà te iney zin, ne midhilutù haazà ni Rebeka te utew egkesuati ni Isaac te egkaan he linutuan.

Genesis 27:14 Marejeleo ya Msalaba

Salmo 141:4

Ilikey a te kebpekevaal te mezaat wey te kedtampu te ebeelan te menge lalung. Ilikey a te kebpekivahin te ǥastu zan.

Genesis 27:31

Midhilutù daan sikandin te metaam he idsezà ne mid-uwit din diyà te amey zin. Ke sikandin diyà te amey zin te, “Amà, enew ka wey ka mekekaan kayi te netuǥesan ku su wey a kenikew mepenubtuvazi.”

Genesis 27:17

Ne imbeǥey zin ki Jacob haazà is keenen wey supas he midhilutù din.

Genesis 27:9

Hendiyè ka te uyaǥen tew ne kuwa ka te zezuwa he nati he kambing he utew melambeg su edhilutuen ku heini te egkesuatan te amey nu te egkaan he linutuan.

Genesis 27:7

‘Penuǥesi a ne hilutui a te utew ku egkesuati he linutuan. Su ebpenubtuvazan ku sikew kayi te etuvangan te Nengazen te kenè e pa ebpatey.’

Genesis 27:4

Ne hilutua nu kedì is utew ku egkesuati he keenen ne uwita nu kayi te kedì su egkeenen ku. Egkepasad dutun ne ebpenubtuvazan ku sikew te kenè e pa ebpatey.”

Genesis 25:28

Pelanggà ni Isaac si Esau su egkesuat layun sikandin he egkaan te egkengepenganup ni Esau, piru si Jacob ne iyan mulà pinelanggà ni Rebeka.

Genesis 27:13

Midtavak si Rebeka te, “Mama, kediey en he televaken emun edrewakan ke zin. Beeli nu is ebpeelan ku kenikew. Genat ke en ne kuwai a te menge kambing.”

Genesis 27:15

Ne zutun migkuwa zin is utew meupiya he visti ni Esau ziyà te valey zan, ne inseluub din heini ki Jacob.