Genesis 24:50 - Manobo Western Bukidnon OT

⁵⁰ Ne midtavak dutun si Laban wey si Betuel te, “Tenged te iyan egkesuatan heini te Nengazen, hengkey pa is egkekaǥi zey.

Genesis 24:50 Marejeleo ya Msalaba

Salmo 118:23

Midhimu heini te Nengazen, ne utew heini egkein-inuwi.

Genesis 31:24

Ne zutun he kezukilemi, mibpaahà is Megbevayà ki Laban te Aramihanen pinaaǥi te teǥeinep. Migkeǥiyan sikandin te Megbevayà te, “Kenè nu pesipelahi si Jacob.”

Genesis 31:29

Duen ku ketezengan pezem te kebpesipala kenikew, piru mibpaahà kedì is Megbevayà geina te mezukilem he ed-ezapen te amey nu, ke sikandin te, ‘Kenè nu pesipelahi si Jacob.’

2 Samuel 13:22

Ne si Absalom, egkeepesan din utew si Amnon su mibpeel-elezan ni Amnon is etevey zin he si Tamar. Tenged kayi, kenè en sikandin ebpekidlalag ki Amnon.

Genesis 24:55

Ne midtavak dutun is iney wey is meemahan ni Rebeka te, “Deyzey ke kenè nu zèpa zumaha si Rebeka minsan taman dà te sepulù he andew, ne egkeiwas haazà ne human kew ebpekeǥenat.”

Genesis 24:53

Ne zutun migkuwa zin haazà is uwiten din he menge elahas he pelata ragkes is menge visti, ne imbeǥey zin ki Rebeka. Mibeǥayan din daan te mahalen he menge gasa he inggasa zin dutun te menge suled wey iney ni Rebeka.

Genesis 24:28

Ne mibpelelaǥuy si Rebeka is ed-ulì diyà te valey zan, ne midtudtulan din is iney zin te langun he nengeulaula.

Genesis 24:15

Wazè pa zutun sikandin mekepasad he ed-ampù, ne nekeuma si Rebeka he edtiang te umuy. Anak si Rebeka ni Betuel, ne si Betuel anak ni Nahor wey ni Milca. Si Nahor suled ni Abraham.

Genesis 24:60

Mibpenubtuvazan dan si Rebeka zutun te kegenat din. Ke sikandan te, “Sikew is etevey zey, berakat he liblibuwen is menge kevuwazan nu. Berakat daan he mezaag te menge kevuwazan nu is menge kuntada zan.”

Genesis 24:51

Heini zed si Rebeka, dumaha niw en sikandin ke ed-ulì kew para egkehimu sikandin he iyan esawa te anak te egalen nu, sumalà is migkaǥi kenikew te Nengazen.”

1 Hadì 12:15

Umbe wazà pemineǥa zutun te hadì is hangyù dutun te menge etew, su paaǥi te Nengazen he iyan egketuman is migkaǥi zin diyà te ki Jeroboam he anak ni Nebat pinaaǥi ki Ahia he tig-Shilo.

1 Hadì 12:24

he iyan a, is Nengazen migkaǥi te, ‘Kenè kew pekidtebek te menge kezuzumahi niw he menge Israilihanen. Ulì kew, su kediey he suat he mahadì si Jeroboam.’ ” Mibpezumazuma sikandan te Nengazen ne nemen-ulì dan, su iyan haazà insuǥù te Nengazen kandan.