Genesis 24:44 - Manobo Western Bukidnon OT

⁴⁴ Emun ebpemineg sikandin he ipeinum e zin ragkes is menge kemilyu ku, deyzey ke iyan en sikandin mibpilì nu he vahi he egkehimu he egkeesawa te anak te egalen ku.’

Genesis 24:44 Marejeleo ya Msalaba

Genesis 24:14

Emun ebuyù a te wahig duen te umuy te raǥa, ne emun ebpemineg sikandin he ibpeinum a ragkes is menge kemilyu ku, berakat he iyan sikandin kes mibpilì nu he egkehimu he esawa te suluǥuen nu he si Isaac. Pinaaǥi kayi egketuenan ku he impeehè nu is gaǥew nu te egalen ku he si Abraham.”

Isaias 32:8

Piru sikan is etew he tutuu he dungganen ebpelanu te kebaal te dungganen he menge vaal, ne edtumanen din heini layun.

Erubasa 19:14

Is baley wey zuma pa he menge azen, egkepengevilin diyà te ginikanan, iyan, Nengazen mulà is ebpekeveǥey te uluwanen he esawa.

Erubasa 18:22

Emun ebpekeesawa is etew ne meupiya heeyan, ne tuus heeyan he midtuvazan sikandin te Nengazen.

Erubasa 16:33

Ebarà is etew su wey zin metueni is dait he ed-ul-ulahan din piru iyan is Nengazen ebpuunan te minsan hengkey he penurù he zait he ed-ul-ulahan.

Genesis 2:22

Ne puun dutun te ǥusuk he migkuwa zin puun dutun te maama, midhimu te Nengazen he Megbevayà is bahi. Ne impeehè din haazà is bahi zutun te maama.

Genesis 24:43

Guntaan, dini a edhithitindeg te uvey kayi te kalut. Emun duen ebpekeuma he raǥa he edhendini te kedsekezu, ne ebuyù a te zeisey zà he wahig duen te umuy zin.

Genesis 24:45

“Ne te wazè e pa mekeipus he ed-ampù, nekeuma si Rebeka he edtiang te idsekezu zin he umuy. Midtupang sikandin pehendiyà te kalut su edsekezu. Migkeǥiyan ku sikandin te, ‘Ipeinum e kun.’