Genesis 24:27 - Manobo Western Bukidnon OT

²⁷ Ke sikandin te, “Edeliǥen is Nengazen, he iyan Megbevayà te egalen ku he si Abraham. Impeehè din is kenà egkahanew he ǥaǥew zin te egalen ku. Iyan sikandin migiya kedì wey a mekehendiyà te kezuzumahi te egalen ku.”

Genesis 24:27 Marejeleo ya Msalaba

Genesis 24:48

Midlangkeb a su ed-ezapen ku is Nengazen. Midalig ku is Nengazen, he Megbevayà te egalen ku si Abraham. Iyan sikandin mibpeturedu kedì te hustu he lugar, he zutun ku egkaahà is anak te kezuzumahi te egalen ku he egkehimu he esawa te anak din.

Salmo 98:3

Wazè din melipati is insaad din he ebmahalen kiw zin wey ebpekid-uunungen sikandin kenitew te menge tig-Israel. Naahà te langun he menge etew ziyà te minsan hendei he vahin kayi te kelibutan ke mibmenumenu te Megbevayè tew is kedhimuwa zin he mekezaag kiw.

Genesis 32:10

Ne siak is suluǥuen nu, kenà a zait te zekelà he ǥaǥew nu kediey he kenà egkaamin. Dengan hein midrapas a kayi te wahig he Jordan su edhendiyà a te ki Laban ne iyan dà naazen ku zutun is tuked ku. Ne ǥuntaan utew mezakel is menge azen ku su egkehimu he ebehinen te zezuwa he vahin.

Genesis 24:12

Ne zutun mid-ampù haazà is suluǥuen, “Sikew is Nengazen, Megbevayà te egalen ku he si Abraham, tevangi a ǥuntaan ne ipeehè nu is gaǥew nu te egalen ku he si Abraham.

1 Samuel 25:32

Ne migkeǥiyan ni David si Abigail te, “Edeliǥen is Nengazen he Megbevayà te Israel, he iyan miduma kenikew guntaan he andew te kebpekid-ahà kedì.

Ruth 4:14

Ne migkeǥiyan si Naomi te langun he menge vahi te, “Deliǥa is Nengazen su imbeǥey zin kenikew ǥuntaan is apù nu he ebpekeelima kenikew keuzemà. Berakat he mevantug keuzemà heini is batà te langun he menge zuma tew te menge tig-Israel.

Exodus 18:10

Ke sikandin te, “Idalig tew te Nengazen is kedlibriya zin keniyu ziyà te ǥehem te menge Ehiptohanen wey te hadì dan.

Erubasa 3:6

Minsan hengkey is ed-ul-ulahan nu ne isipa nu is Nengazen, ne iyan sikandin metau wey nu iyan meikul is metandang he zalan.

Salmo 100:5

Su meupiya is Nengazen; wazà pidtemanan te ǥaǥew zin, ne ebpedayun is kebmetinumanen din te taman te taman.

2 Samuel 18:28

Hein nekeuma si Ahimaaz, migkemusta zin is hadì ne midluhud he tuus te kedtahud din. Ne migkaǥi sikandin te, “Ereg he edeliǥen is Nengazen he Megbevayè nu, Mahal he Hadì! Su iyan mibeǥey kenikew te kezeeǥan te menge etew he midsukul kenikew.”

Micas 7:20

Ibpeehè nu kenami te menge kevuwazan ni Abraham wey ni Jacob is kebmetinumanen nu wey kebmahala nu kenami sumalà te impenaad nu ziyà te kandan dengan.”

Erubasa 8:20

Edsunuzen ku is metazeng wey is hustu.

Salmo 68:19

Ereg he edeliǥen is Nengazen he Megbevayà he menluluwas tew, su andew-andew edtevangan kiw zin te menge prublima tew.

1 Samuel 25:39

Hein nezineg ni David he minatey en si Nabal, migkaǥi sikandin te, “Edeliǥen is Nengazen! Su iyan sikandin mibales ki Nabal te ked insultuwa zin kedì, wey inlikey e zin te kebales. Midsilutan din si Nabal te kenà meupiya he mibeelan din kedì.” Ne midsuǥù si David te menge etew he ibpelalag ki Abigail he ed-esewaan din.

Exodus 2:13

Ne hein sunud he andew, mid-uman medhipanew sikandin ne neehè din is dezuwa he Hebriyuhanen he ebpetebekà. Ne migkeǥiyan din sikan is mibaal te mezaat te, “Maan is ebpesekitan nu heeyan is duma nu he Hebriyuhanen?”

Exodus 2:11

Ne sevaha he andew, hein dekelè en si Moises, midhendiyà sikandin te lugar he zutun is menge zuma zin he menge Hebriyuhanen, ne neehè din is kemereǥenan dan. Neehè din is sevaha he Ehiptohanen he mibuǥel zin is sevaha he Hebriyuhanen he kezuzumahi ni Moises.

Genesis 24:42

“Umbe, geina te kebpekeuma ku ziyà te kalut, mid-ampù a. Ke siak te, ‘Nengazen, Megbevayà te egalen ku he si Abraham, berakat he ituǥut nu he mehimu is tuyù ku te kedhengkayi ku.

Genesis 24:21

Mibpeniid dà haazà is suluǥuen, ne ed-is-isipen din ke ebmenmenuwen te Nengazen te edhimu wey metuman is tuyù din te kedhendutun te haazà he lugar.

Genesis 24:4

Hendiyè ka te inged he mibpuunan ku, ne ziyè ka pilì te ed-esawaan te anak ku he si Isaac te menge kezuzumahi ku.”

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

Genesis 13:8

Ne migkaǥi zutun si Abram diyà te ki Lot te, “Kenè ki edtebek ne kenà kinahanglan he ebpekedtebek is menge bekidu ta su enaken ku sikew.

Genesis 9:26

Ne migkaǥi zaan sikandin te, “Berakat daan he zeliǥa is Nengazen he iyan Megbevayà ni Shem! Ne verakat he mehimu he uripen ni Shem si Canaan.

Genesis 32:11

Ne tevangi a ǥuntaan kenikew su wey a kenà mekeizi te kakey ku he si Esau su utew ad egkahandek su kela ke edtebeken e zin, ne ebpesipelahan din is menge esawa ku wey menge anak ku.

Exodus 34:6

Ne midsaǥad is Nengazen diyà te etuvangan din ne mibpekezaǥing sikandin is egkaǥi te, “Siak is Nengazen, Megbevayà a he veliǥeǥawen wey hihizuwen, ne kenà a melemu he egkepauk, ne ibpeehè ku is dekelà he kebmahal ku wey kebmetinumanen ku.