Ezra 1:5 - Manobo Western Bukidnon OT

⁵ Duen menge Israilihanen he insavuk te Megbevayà diyà te gehinawa zan is suat te ked-ulì diyà te Jerusalem. Umbe nengandam sikandan te kedhendiyà su ebengunen dan is baley te Nengazen. Duma kandan is menge pengulu te menge pemilya te tribu ni Juda wey te tribu ni Benjamin, is menge memumuhat, wey is menge Levihanen.

Ezra 1:5 Marejeleo ya Msalaba

Ezra 1:1

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Nehemias 2:12

midsuǥuksuǥuk a hein liwazà te kezukileman duma te nepipira he menge zuma ku. Wazè ku keǥiya ziyà te minsan hentei is neǥezam ku he egkesuatan te Megbevayà he veeli ku tenged te Jerusalem. Wazà duma he uyaǥen he neuwit ku, kekenà, iyan dà is asnu he ed-untuzan ku.

2 Cronica 36:22

Dutun te nehuna he tuig te kedhadì ni Cyrus diyà te Persia, insavuk te Nengazen diyà te ǥehinawa ni Cyrus he medsurat te sevaha he pehibelu he ibpehibelu ziyà te tivuuk he ginhedian din. Nehitavù heini su wey metuman is migkaǥi te Nengazen pinaaǥi ki Jeremias.

Erubasa 16:1

Is etew, edhimu te menge pelanu, piru is Nengazen, iyan ebayàbayà te langun.

Ezra 1:2

“Iyan heini impehibelu ni Hadì Cyrus he hadì te Persia: “Imbeǥey kedì te Nengazen he Megbevayà diyà te langit, is langun he ginhedian kayi te kelibutan, ne insarig din kedì is kebangun diyà te Jerusalem he sakup te Juda te valey he para kandin.

Ezra 1:4

Is menge etew ziyà te menge lugar he ed-ubpaan niw te nesamà he menge Israilihanen, ereg sikandan he edtavang keniyu zutun te kegenat niw. Mebeǥey sikandan keniyu te menge pelata wey vulawan, menge vutang he egkinehenglanen niw, menge uyaǥen, wey tavang he ebpuun te keugelingen he suat he para te valey te Megbevayà diyà te Jerusalem.”

Haggai 1:14

Umbe, mibaghet te Nengazen si Zerubabel, si Josue, wey is langun he zuma zan he menge Israilihanen he nemen-ulì diyà te Israel, te kebangun duen te valey te Nengazen he Megbevayè dan he Mekeǥeǥehem.