Exodus 4:10 - Manobo Western Bukidnon OT

¹⁰ Ne migkaǥi si Moises diyà te Nengazen te, “He Nengazen, wazè ku pa meseǥazi is mibmetau a he ebpengaǥikaǥi puun pa zengan taman en guntaan te kebpekidlalag nu kedì te suluǥuen nu. Kenà a metau he epengaǥikaǥi wey ngulit a zaan.”

Exodus 4:10 Marejeleo ya Msalaba

Jeremias 1:6

Midtavak a te, “He Nengazen MEGBEVAYÀ, kenà a metau he ebpengaǥikaǥi, ne vetan-en e pa.”

Exodus 6:12

Iyan, migkaǥi si Moises diyà te Nengazen te, “Emun wazà mebpemineg kedì is menge Israilihanen, iyan pe be is hadì? Su kenà a metau he ebpengaǥikaǥi!”

Exodus 4:1

Ne midtavak si Moises te, “Hengkey is ebeelan ku emun kenà sikandan edtuu kediey etawa kenà sikandan ebpemineg kediey? Su và dan dà egkaǥi te, kenà tutuu he mibpaahà kenikew is Megbevayà.”

Job 12:2

“Iyan diyà te isip niw he iyan kew zà metau ne wazè en egkesamà he metau emun ebpatey kew en.

Exodus 3:11

Iyan, migkaǥi si Moises diyà te Megbevayà te, “Siak, utew minus is pid-etawan ku; kenà a zait he edhendiyà te hadì wey ebpengulu te menge Israilihanen te kegawas puun te Ehipto.”

Exodus 6:30

Iyan, migkaǥi si Moises diyà te Nengazen te, “Kenà ebpemineg kedì is hadì su kenà a metau he ebpengaǥikaǥi.”

Micas 6:4

Impeǥawas ku pa ganì sikiyu ziyà te Ehipto he zutun kew uripena. Ne mibpilì ku si Moises, si Aaron, wey si Miriam te kebpengulu keniyu.