Exodus 16:3 - Manobo Western Bukidnon OT

³ Ke sikandan te, “Deyzey pa ke ziyè key zà himetayi te Nengazen hein diyè key pa te Ehipto. Diyà, ne ebayèbayè key te minsan hengkey he egkekaan dey. Piru ǥuntaan, mid-uwit key kayi keniyu te sibsivayan wey key mengeumes.”

Exodus 16:3 Marejeleo ya Msalaba

Exodus 17:3

Piru egkengemezahan utew haazà is menge etew zutun, umbe mibpedayun is kedriklamu zan diyà te ki Moises. Ke sikandan te, “Maan is impeǥawas key pa kenikew ziyà te Ehipto? Ebpematey key zè bes te kegkemezahi kayi duma te menge anak dey wey menge uyaǥen dey.”

Penhulùhulù 4:9

Meupiya pa is iyan ibpatey zan is tebek kenà duen te iyan ibpatey zan is kegkevitil. Ednaneynaney sikandan ebpematey te vitil su wazè dan egkekaan.

Deuteronomio 28:67

Tenged te kegkahandek niw te egkengeehè niw ziyà te peliǥuy, emun meselem egkaǥi kew te, ‘Deyzey ke ebmezukilem en.’ Ne emun mezukilem ne egkaǥi kew te, ‘Deyzey ke egkepawè en.’

Jeremias 2:6

Wazè e zan en pen-ahaa minsan pa te iyan a mid-uwit kandan diyà te gawas te Ehipto, ne migiyahan ku sikandan pehendiyà te sibsivayan he wazà duen menge pinemula. Haazà he tanà disirtu, duen menge vudsi, memaza, dilikadu, wey wazà duen ed-ubpà wey minsan edsaǥad.

Numero 14:2

Mibegulbul sikandan diyà te ki Moises wey ki Aaron. Ke sikandan te, “Deyzey pa ke nemematey kiw en diyà te Ehipto etawa kayi te sibsivayan.

Josue 7:7

Migkaǥi si Josue te, “He Nengazen he MEGBEVAYÀ, maan is impelayun key pa kenikew te Wahig he Jordan ke ibpezaag key zè bes kenikew te menge Amorihanen? Deyzey pa ke wazè key en med-awà diyà layun te Jordan.

Job 3:20

“Maan is edtuǥutan pa he meuyag is etew he egkerasey wey egkeseeng?

Job 3:10

Edrewakan ku haazà he andew su wazè din eǥena is ked-enaka kedì su wey ku kenè en meseǥazi heini he menge kemeresayan.

Job 3:1

Hein neuǥet migkaǥi si Job te mibmehey sikandin ke maan is neetew pa sikandin.

2 Samuel 18:33

Migkerker si David. Ne nemenahik diyà te ruǥu zin diyà te divavew te pultahan dutun te inged ne midsineǥew. Dutun te kebpemenahik din, ke sikandin te, “He Absalom, anak ku, iyan e en pezem nepatey he elili kenikew. He Absalom, anak ku!”

Deuteronomio 8:3

Midhimu zin he kenè kew mekepelavew pinaaǥi te kebpesaǥad keniyu te kegkevitil, ne zutun mibeǥayan kew zin te ‘manna’–kelasi te keenen he sikiyu wey is menge kepuun niw wazè pa mekeǥezam kayi puun pa te nehuna he timpu. Midhimu heini te Nengazen su impenurù din keniyu he kenà iyan dà igkeuyag te etew is keenen, kekenà, elin is kada lalag he egkeǥiyen te Nengazen.

Numero 16:41

Ne sunud he andew, midriklamu en maan is tivuuk he keet-etawan te Israel ziyà te ki Moises wey ki Aaron. Ke sikandan te, “Mibpenhimetayan niw is menge etew te Nengazen.”

Numero 16:13

Kenè pe be ereg is kegkuwaa nu kenami ziyà te Ehipto he meupiya wey uuzaran is tanà duen su wey key kenikew mehimetayi kayi te sibsivayan? Ne ǥuntaan egkesuat ke pa he edhadìhadì kenami.

Numero 11:15

Emun iyan heini ebeelan nu kediey ne himetayi ad nasì kenikew ǥuntaan. Emun nekepenunuat a kenikew, ne kenà a kenikew vey-ani he egkerasey!”

Exodus 5:21

ne migkeǥiyan dan haazà is dezuwa te, “Berakat he siluti kew te Nengazen, su keniyu he vaal is utew ingkeepesi kenami te hadì wey te menge upisyal zin. Is mibeelan niw ne iyan egkehimu he hinungdan te kedhimetayi zan kenami.”

Exodus 2:23

Ne hein neuǥet en, mibpatey en sikan is hadì te Ehipto. Ne is menge kevuwazan ni Israel kemulu ǥihapun is kegkengereǥeni zan tenged te ked-uripena kandan. Ne nengemuyù sikandan wey zan metevangi, ne nekeuma haazà diyà te Megbevayà.

Numero 14:3

Maan is ed-uwiten kiw pa te Nengazen dutun he tanà? Para zè be mebpematey kiw te tebek wey ebihaǥen is menge esawa tew wey menge anak tew? Deyzey pa vuwa ke edlikù kiw ziyà te Ehipto.”

Salmo 78:19

Mid-insultuwan dan is Megbevayà pinaaǥi te kegkaǥi zan te, “Kenè kiw vuwa igkepekaan te Megbevayà kayi te sibsivayan.

Salmo 78:25

Sikandan is menge etew zà duen, nekekaan dan te keenen te menge velinsuǥuen. Ne impezahar te Megbevayà heini he keenen diyà te kandan.

Jeremias 42:14

Edhendiyè key te Ehipto ne ziyè key ed-ubpà su wazà diyà tebek wey vitil.’

Jeremias 44:17

Ebeelan dey is langun he egkesuatan dey te ebaal: is kedtutung te veyewà he para te ed-ezapen dey he ‘Rayna te Langit’ wey is kedhalad diyà te kandin te pemuhat he inumen iring te mibeelan dey ziyà te menge inged diyà te Juda wey ziyà te menge zalan te Jerusalem. Ne iyan daan heini mibeelan te menge kepuun dey wey menge hadì dey wey menge upisyal. Dutun he timpu meupiya man is kebpekesavuk dey; dekelà is keenen dey wey wazà mezaat he nehitavù kenami.

Exodus 14:11

Ne migkeǥiyan dan si Moises te, “Maan is kayi key pa kenikew zumaha te sibsivayan para mebpatey? Wazè en be penlevengà diyà te Ehipto? Maan is impaawè key pa kenikew ziyà te Ehipto?

Numero 11:20

kekena, senge vulan, taman te igkeutè niw heini su edsemuwen kew en. Su inselikwey a keniyu is nekiduma keniyu, ne midriklamu kew kayi te kedì he ke sikiyu te, deyzey pa ke wazè kew en med-awà diyà te Ehipto.’ ”

Numero 21:5

umbe, midriklamu sikandan diyà te Megbevayà wey ziyà te ki Moises. Ke sikandan te, “Maan is impeǥawas key pa kenikew ziyà te Ehipto su wey key kayi mebpematey te sibsivayan? Wazà keenen wey wahig kayi! Neperahan key en kayi te mesemu he ‘manna’.”

Salmo 107:5

Nevitil wey nemezahan sikandan, ne egkeǥezam dan he hapit en sikandan ebpatey.