Exodus 15:3 - Manobo Western Bukidnon OT

³ Beǥani is Nengazen; Nengazen is ngazan din.

Exodus 15:3 Marejeleo ya Msalaba

Salmo 24:8

Hentei ves heini is mekeǥeǥehem he Hadì? Iyan sikandin sikan is Nengazen he mezesen wey melig-en he ebpekidtebek.

Exodus 14:14

Su iyan is Nengazen ebpekidtebek para keniyu. Ne kenè en kinahanglan he iyan kew ebpekidtebek.”

Isaias 42:8

Iyan a Nengazen, iyan heeyan ngazan ku! Kinahanglan he kenà ibeǥey ziyà te minsan hentei is kediey he zengeg wey kenà idalig diyà te zuma he menge ed-ezapen is kedalig he para kediey.

Salmo 83:18

Berakat he metueni zan he iyan ka, Nengazen, he iyan dà Utew Lavew he Megbevayà kayi te tivuuk he kelibutan.

Salmo 45:3

Inseluniket nu is ispada nu, mevurut he hadì; mekeǥeǥehem ka wey meupiya is dengeg nu.

Exodus 3:15

Migkaǥi zaan is Megbevayà diyà te ki Moises te, “Keǥiyi nu is menge Israilihanen: ‘Is Nengazen, is Megbevayà he ed-ezapen te menge kebpuun niw he si Abraham, si Isaac, wey si Jacob ne iyan midsuǥù kenikew.’ Kilelaà niw is ngazan ku he Nengazen te wazà pidtemanan.

Exodus 3:13

Ne migkaǥi en maan si Moises diyà te Megbevayà te, “Emun edhendiyà a te menge Israilihanen ne egkeǥiyan ku sikandan te, ‘Midsuǥù a zini te keniyu te Megbevayà he ed-ezapen te menge kepuun niw,’ kela ke egkaǥi sikandan te, ‘Hentei is ngazan din?’ Emun iyan haazà, hengkey ve is egkeǥiyen ku ziyà te kandan?”

Isaias 42:13

Ebpekidtebek is Nengazen he iring te sundaru he andam en he ebpekidtebek. Ebpengulahì sikandin he tuus te edsurung en, ne egkezaag din is menge kuntada zin.

Jeremias 33:2

Iyan heini migkaǥi te Nengazen he midlimbag wey mibpelastar te kelibutan. Iyan sikandin mibpurma kayi, ne Nengazen is ngazan din:

Exodus 3:14

Ne migkaǥi is Megbevayà diyà te ki Moises te, “Iyan a is Megbevayà he kenà egkahalin. Keǥiyi nu is menge Israilihanen he iyan a is Megbevayà he kenà egkahalin midsuǥù kenikew.”

Exodus 14:25

Mibpengelinteuwan din he kenà metileng is menge ligid te menge kerwahi zan su para medlised sikandan he ebpepelelaǥuy zutun. Ke sikandan te, “Ebpeleǥuyan tew is menge Israilihanen su iyan is Nengazen ebpekidtebek kenitew para kandan.”