Daniel 9:22 - Manobo Western Bukidnon OT

²² Impesavut e zin, ke sikandin te, “Daniel, midhendini a su ibpesavut ku kenikew is tagnà.

Daniel 9:22 Marejeleo ya Msalaba

Daniel 10:21

Midhengkayi a su wey ku ikeseysey ziyà te kenikew is ingkesurat diyà te Libru he Midsuratan te Tutuu. Dutun te kebpekidtebek ku, ne wazà duma he nekeuǥup kedì, kekenà, iyan dà si Micael he pengulu te Israel.

Daniel 8:16

Ne nekezineg a te laǥeng te etew he ebpuun te Wahig he Ulai he edhenduen te, “Gabriel, iseysey nu ziyà te kandin is kehuluǥan duen te nelewasan din.”

Zacarias 1:9

Mid-insà a ziyà te velinsuǥuen he mibpekidlalag kedì te, “Datù, hengkey is ibpesavut kayi?” Midtavak sikandin te, “Egkeǥiyen ku kenikew ke hengkey is ibpesavut kayi.”

Zacarias 1:14

Umbe, migkaǥi haazà is belinsuǥuen kayi te kedì te edtudtulen ku heini is migkaǥi te Nengazen he Mekeǥeǥehem: “Ingkeipeng ku is Jerusalem he migngezanan daan te Zion,

Daniel 7:16

Umbe, mid-uvey a ziyà te sevaha te ebpemenhitindeg dutun ne mid-insaan ku ke hengkey is kehuluǥan duen te neehè ku.

Daniel 10:14

Ne ǥuntaan, kayi a su wey ku ikepesavut kenikew ke hengkey is egkehitavù te zuma nu he menge Israilihanen te huziyan he timpu, su is kenikew he naahà mehitenged te egkehitavù te huziyan he timpu.”

Amos 3:7

Benar iyan, wazà minsan hengkey he ebeelan te Nengazen he MEGBEVAYÀ emun wazè din ikehuna ikepezayag diyà te menge suluǥuen din he menge ebpeneuven.

Daniel 10:11

Ke sikandin te, “Daniel, mibmahal ka te Megbevayà. Hitindeg ka ne purung ka pemineg te egkeǥiyen ku ziyà te kenikew, su midsuǥù a te Megbevayà kayi te kenikew.” Ne kegkekeǥiya zin dutun ne midhitindeg a is egkerkeren.

Daniel 10:12

Ne migkaǥi sikandin te, “Daniel, kenè ka mahandek. Su zuen dà te nehuna he andew te kedhangyù nu he mesavut nu is menge impelewasan kenikew, ne midtavak en te Megbevayà is hangyù nu su wazè ka mebpelavew ziyà te etuvangan din. Umbe midhengkayi a su is kedhengkayi ku iyan paaǥi te kebeǥaya zuen te midhangyù nu.