Daniel 6:18 - Manobo Western Bukidnon OT

¹⁸ Ne mid-ulì si Hadì Darius diyà te turuǥan din. Wazà sikandin megkaan dutun he kezukileman wey wazè en sikandin mebpehimu te kelingawan he iyan pezem neleyaman din. Ne wazà sikandin mekelipezeng.

Daniel 6:18 Marejeleo ya Msalaba

Daniel 2:1

Dutun te ikezuwa he tuig te kedhadì ni Nebucadnezar, kepipira sikandin meketeǥeinep. Nekepeliveg kandin haazà is menge teǥeinep din, umbe kenà sikandin ebpekelipezeng.

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Salmo 77:4

Wazè e zin ipelipezeng; kenè ku egketuenan ke hengkey is egkeǥiyen ku, su utew a nesemuki.

Megwewali 2:8

Ne midtiǥum a zaan te zekelà he selapì, bulawan, wey zuma he menge ketiǥeyunan he ebpuun te menge hadì wey ziyè te menge lugar he nesakup ku. Mezakel is memetau he menge perekanta ku, he menge maama wey menge vahi, ne zuen ku mahabet he menge esawa. Naangken ku is minsan hengkey he egkesuatan te etew!

Salmo 137:2

Impenanggat dey zà is menge alpa zey ziyà te menge subpang te kayu.

Job 21:12

egkanta, wey edlilipeylipey te tukar te tamburin, alpa, wey pulalà.

1 Hadì 21:27

Kegkezineǥa ni Ahab dutun te migkaǥi ni Elias, mibindas din is bisti zin ne mibivisti te saku, ne mibpuasa. Midlipezeng sikandin he bivisti te saku wey midhiphipanew is neseeng.

2 Samuel 19:24

Midhendiyà daan si Mefiboshet he apù ni Saul su midtelavuk ki David. Diyà sikandin ebpuun te Jerusalem. Wazà melùlui is paa zin, wazè din mekiskisi is sumpè din, wey wazè din pa meilisi is ingkukumbalè din puun pa te kebpekeawà ni David diyà te Jerusalem taman te nekelikù he wazà memenu sikandin. Hein nekeume en sikandin diyà, ne mid-insaan sikandin ni David te, “Mefiboshet, maan is wazè ka meduma kedì?”

Daniel 6:19

Ne kegkepawà, utew pa meselem migaanggaan en sikan is hadì medhendutun te vudsi he zuen duen menge erimaung.

Daniel 10:3

Wazà a megkaan te metaam he menge keenen etawa usa, wazà a med-inum te vinu, wey wazà ku pehemuti is lawa ku taman te netapus is tetelu he simana.

Penhulùhulù 3:53

Tinguhè dan is kedhimatey kedì pinaaǥi te ked-uluǥa zan kedì diyà te vudsi wey kebpenulenga zan kedì te vatu.