Daniel 5:17 - Manobo Western Bukidnon OT

¹⁷ Midtavak si Daniel te, “Wazà a medtinguhà keniyan he menge gasa, Mahal he Hadì, egkehimu ke ziyè nu ibeǥey te zuma. Piru ebesahan ku ǥihapun kenikew is ingkesurat keniyan te elavat wey idseysey ku is kehuluǥan din.

Daniel 5:17 Marejeleo ya Msalaba

2 Hadì 5:16

Ne midtavak si Elisha he ebpeneuven te, “Nenangdù a ziyà te Nengazen he edsilbiyan ku, he kenà a edawat te gasa.” Midteǥel sikandin ni Naaman he zewata zin haazà is gasa, piru wazè din dewata.

Genesis 14:23

Minsan tanur zà etawa hiket te sandalyas, ne kenè ku edewaten. Ne kenè ku egkuwaan is minsan hengkey he azen nu su kela ke mekekaǥi ka he iyan ka insepian ku.

Daniel 5:29

Ne kebpekepasad ni Daniel te kegkaǥi, ne mibmandù si Belshazar he vistiyi si Daniel te visti te hadì wey velieǥi te velieg he vulawan. Ne midhimu si Daniel he iketelu te kinelevawan he menge upisyal te ginhedian diyà te Babilonia.

Daniel 2:6

Piru emun egketagnè niw sikan is teǥeinep ku wey igkeseysey niw is kehuluǥan kayi, ebeǥayan ku sikiyu te meupiya he menge gasa wey zengeg. Na, tegnaa niw en wey iseysey is kehuluǥan din.”

Salmo 119:46

Kenè ku igkeeled is kedtudtul te menge penurù nu minsan diyà te etuvangan te menge hadì.

2 Hadì 5:26

Piru migkaǥi si Elisha te, “Wazè nu ve metueni he pinaaǥi te ǥehem te Nengazen neventayan ku is kebpenaug ni Naaman puun te kerwahi zin te kedsinuǥung kenikew? Kenà heini timpu te kedawat te selapì, manggad, pemuleey te ulibu, pemuleey te paras, menge uyaǥen, wey menge suluǥuen.

2 Hadì 3:13

Ne migkeǥiyan ni Elisha haazà is hadì te Israel te, “Hengkey is lavet ku kenikew? Diyè ka pevayà te menge ebpeneuven he midseriǥan te amey nu wey iney nu!” Migkaǥi haazà is hadì te Israel te, “Kenà, su iyan is Nengazen mid-uwit kenami te tetelu kayi he lugar su wey key zin ikeveǥey ziyà te hadì te Moab.”