Daniel 4:34 - Manobo Western Bukidnon OT

³⁴ “Ne kegketapus te pitu he tuig, ne siak, si Nebucadnezar, midangep a ziyà te Megbevayà, ne zutun midlikù is meupiya he ked-isip-isip ku. Umbe midalig ku wey mibeǥayan ku te zengeg is Utew Lavew he Megbevayà he uuyag te wazà pidtemanan. Migkaǥi a te, ‘Is kedhadì din ne wazà pidtemanan.

Daniel 4:34 Marejeleo ya Msalaba

Daniel 2:44

“Dutun te timpu te kedhadì kayi te menge pengulu, edtukud is Megbevayà diyà te langit te sevaha he ginhedian he kenà egkezeetan te minsan keenu. Ne kenà heini egkezaag te zuma he ginhedian, su edèdeetan din pa ganì is langun he ginhedian ne ebpedayun heini he ginhedian taman te taman.

Jeremias 10:10

Piru iyan is Nengazen tutuu he Megbevayà. Iyan sikandin uuyag he Megbevayà ne Hadì sikandin te wazà pidtemanan. Emun egkepauk sikandin, egkehuyung is kelibutan ne ed-eles is diyà te menge nasyun.

Salmo 145:13

Is kedhadì nu wazà pidtemanan. Nengazen ka he metinumanen te langun he menge penaad nu, wey veliǥeǥawen ka te langun he linimbag nu.

Daniel 6:26

“Ebmandù a, he is langun he menge etew he sakup te ginhedian ku, kehendeki zan wey tehuza zan is Megbevayà ni Daniel. Su iyan sikandin uuyag he Megbevayà ne wazà pidtemanan te untung din. Ebpedayun is kedhadì din te minsan keenu. Ne wazà ebpekezezaat kayi.

Daniel 4:32

Edsegseǥen ka pehendiyà te meziyù te menge etew ne ed-amur ka te leew he menge langgam. Ne egkeiring ka te vaka su ebpenabtab ka te sagbet. Ne kegketapus te pitu he tuig, egkilelaan nu he is Utew Lavew he Megbevayà, duen din gehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.”

Daniel 5:21

ne midsegseg sikandin pehendiyà te meziyù te menge etew. Ne nehimu is isip din he iring te isip te langgam. Mid-ubpà sikandin duma te leew he menge asnu ne nenabtab sikandin te sagbet iring te vaka. Wey layun egkahames is lawa zin te zehemug. Iyan haazà kebpekesavuk din taman te migkilala zin he is Utew Lavew he Megbevayà, duen din keǥehem diyà te menge ginhedian te menge etew ne egkehimu ke edhimuwen din sikandan he sakup te minsan hentei he egkesuatan din he mehimu he egalen dan.

Daniel 4:26

Ne vahin duen te migkaǥi te velinsuǥuen he ebey-anan is tued, ebpesavut haazà he idlikù diyà te kenikew is ginhedian nu emun egkilelaan nu he iyan is Megbevayà edhadì te langun.

Daniel 4:3

Utew igkeinuinu wey utew mekeǥeǥehem is egkengein-inuwan he impaahà te Megbevayà! Is kedhadì din ne wazà pidtemanan.

Penhulùhulù 3:38

Kenè be is Utew Lavew he Megbevayà iyan ebayàbayà te kegkehitevua te mezaat etawa meupiya he hitavù?

Isaias 24:15

Umbe, is menge etew ziyà te edsilaan wey is diyà te menge veyvey te zaǥat, ereg sikandan he edalig te Nengazen he Megbevayà te Israel.

Salmo 146:10

Sikiyu is menge meǥinged diyà te Zion, is Nengazen he Megbevayè niw iyan sikandin kes edhadì te wazà pidtemanan. Deliǥa is Nengazen.

Salmo 123:1

Nengazen, edlingahà a kenikew; diyan te kenikew he ebpimpinuu te pinuuwè nu te kedhadi diyan te langit.

Salmo 121:1

Midtengtengan ku is menge vuvungan; hendei ves ebpuun is tavang kediey?

Salmo 107:31

Ereg sikandan he ebpeselamat te Nengazen tenged te ǥaǥew zin wey egkein-inuwan he menge vaal zin diyà te menge etew.

Salmo 102:24

Umbe, midhangyù a ziyà te kandin, ke siak te, “He Megbevayè ku he wazà pidtemanan te untung din, kenè nu en dèpa kuwaa is untung ku te kenè e pa meǥurang.

Salmo 92:1

Nengazen he Utew Lavew he Megbevayà, meupiya is kebpeselemati kenikew wey is kegkanta te menge idalig kenikew.

Salmo 10:16

Nengazen, edhadì ka te wazà pidtemanan. Egkengeawà is mezaat he menge nasyun kayi te kelibutan he midlimbag nu.

Daniel 7:14

Mibeǥayan sikandin te zengeg wey keǥehem te kedhadì, ne ebpenilbi kandin is langun he menge etew ziyà te nekedseselekawà he menge nasyun, menge kepuun, wey menge kineǥiyan. Ne ebpedayun is kedhadì din te wazà pidtemanan ne wazà ebpekezezaat kayi.

Salmo 107:22

Ereg sikandan he ebpemuhat para te kebpeselamat diyà te Megbevayà; ne pinaaǥi te kegkanta tenged te kegkelipey ne tudtula zan is menge vaal zin.

Salmo 107:15

Ereg sikandan he ebpeselamat te Nengazen tenged te ǥaǥew zin wey te egkein-inuwan he menge vaal zin diyà te menge etew.

Salmo 107:8

Ereg sikandan he ebpeselamat te Nengazen tenged te ǥaǥew zin wey te egkein-inuwan he menge vaal zin diyà te menge etew.

Salmo 50:14

Siak, is Utew Lavew he Megbevayè niw, iyan egkesuatan ku he ibpemuhat niw kedì is: kebpeselamat wey is kedtumana niw te menge pesarig niw kedì.

Salmo 9:2

Utew Lavew he Megbevayà, egkelipey a wey egkanta a te idalig ku kenikew.

Salmo 7:17

Sikew, Nengazen, is Utew Lavew he Megbevayà. Ebpeselamatan ku sikew tenged te ketazeng nu. Edeliǥen ku sikew pinaaǥi te kegkanta ku.

Job 1:21

Ke sikandin te, “In-anak a he wazè ku uwiten ne ebpatey a zaan he wazè ku uwiten. Is Nengazen is mibeǥey te langun he naangken ku, ne iyan daan sikandin migkuwa kayi. Ereg he edeliǥen is ngazan te Nengazen!”

Daniel 4:2

“Egkesuatan ku te edtudtul ziyà te keniyu is menge singyal wey menge egkein-inuwan he menge vaal he mibeelan te Utew Lavew he Megbevayà kayi te kediey.

Daniel 4:36

“Ne hein midlikù en kayi te kediey is meupiya he ked-isip-isip ne inlikù daan kayi te kediey is dengeg wey ventuǥan te hadì. Midawat e en maan duen te menge upisyal ku wey menge megsesambag ku, ne edhunè a pa he mekeǥeǥehem kenà duen te nehuna he kedhadì ku.

Daniel 5:18

“Mahal he Hadì, ketau te Utew Lavew he Megbevayà is kegkehimu he hadì te amey nu he si Nebucadnezar. Nehimu sikandin he mekeǥeǥehem wey mibeǥayan te menge etew te zengeg.

Daniel 7:27

Ne zutun ibeǥey ziyà te menge etew he ǥaked te Utew Lavew he Megbevayà is kedumala wey keǥehem diyà te menge ginhedian kayi te tivuuk he kelibutan. Ne edhadì sikandan te wazà pidtemanan, is langun he menge ginhedian ebpenilbi wey ebpezumazuma kandin.

Jonas 1:14

Umbe, midhangyù dan diyà te Nengazen he ke sikandan te, “He Nengazen, kenè nu himuwa he mebpatey key tenged te kebpatey kayi te etew pinaaǥi te kedtimbaǥa zey kandin diyà te zaǥat. Kenè key kenikew siluti tenged te kegkehimetayi zey kandin, su heini is nehitavù, Nengazen, kenikew he ulaula su midhimu nu is egkesuatan nu.”

Deuteronomio 32:4

Iyan sikandin batu he endilungè ku; utew hustu is menge vaal zin, wey metazeng is langun he menge paaǥi zin. Metinumanen sikandin he Megbevayà ne kenà sikandin egkesayep; metazeng sikandin ne hustu is menge vaal zin.

2 Samuel 22:31

Is kenikew he paaǥi, Megbevayà, ne wazè din sayep. Is lalag nu egkeseriǥan. Iring ka te kelasag te langun he ebuyù kenikew te pengalang.

1 Cronica 29:10

Midalig ni David is Nengazen dutun te etuvangan te tivuuk he keet-etawan. Migkaǥi sikandin te, “He Nengazen, he Megbevayà te kepuun dey he si Jacob, ereg ka he edeliǥen te wazà pidtemanan.

1 Cronica 29:13

“He Megbevayè dey, guntaan ebpeselematan dey sikew wey edeliǥen dey is telehuzen he ngazan nu.

Salmo 66:7

Edhadì sikandin te wazà pidtemanan pinaaǥi te ǥehem din, ne ebpeniizan din is menge nasyun. Ne kenà ereg he ebpegalbu is menge mesinupaken te Megbevayà.

Salmo 111:7

Egketuusan is ketazeng din wey kebmetinumanen din diyà te langun he menge vaal zin, ne egkeseriǥan is langun he menge suǥù din.

Isaias 2:11

Egkeuma is andew he iyan dà is Nengazen edeliǥen. Ibpekevavè din is ked-etew te menge hembugiru wey menge mepelevawen.

Isaias 13:11

Migkaǥi is Nengazen te, “Ebpeeǥiyan ku te limas is kelibutan tenged te kelelalung kayi, wey is menge mekesealà tenged te salè dan. Ibpeengked ku is menge gelbuwen, wey is menge mepelevawen he wazè dan hizu.

Daniel 9:14

Andam ka he edsilut kenami; ne mibeelan nu en heini tenged te egkezumahan te hustu he kukuman is langun he ebeelan nu, piru wazè key ǥihapun mebpezumazuma kenikew.