Daniel 2:20 - Manobo Western Bukidnon OT

²⁰ Ke sikandin te, “Is Megbevayà metau wey mekeǥeǥehem; edeliǥen tew sikandin te wazà pidtemanan.

Daniel 2:20 Marejeleo ya Msalaba

Salmo 113:2

Berakat he zeliǥa sikandin guntaan wey taman te taman.

Job 12:13

“Piru Megbevayè dà is duen din ketau he egkezumahan te ǥehem, ne iyan dà sikandin duen din tutuu he kedsavut ke hengkey is ereg he ebeelan.

Jeremias 32:19

Utew meupiya is menge pelanu nu wey egkein-inuwan is menge vaal nu. Egkeehè nu is langun he ebeelan te menge etew, ne ebelesan nu sikandan sumalà te vetasan dan wey menge vaal zan.

Salmo 147:5

Utew iyan mekeǥeǥehem is Nengazen, ne is ketau zin ne kenà egketegkad.

Erubasa 8:14

Metau a he edsambag, duen ku hustu he ketau. Duen ku meupiya he kedsavut wey ǥehem.

Salmo 115:18

kekenà, iyan kiw is menge uuyag pa edalig kandin guntaan wey taman te taman. Deliǥa is Nengazen.

1 Hadì 8:56

“Ereg he edeliǥen is Nengazen su impehimeley zin is menge etew zin he menge Israilihanen sumalà is impenaad din. Midtuman din is langun he insaad din diyà te suluǥuen din he si Moises.

Salmo 62:11

Layun ku en egkezineg he egkaǥi is Megbevayà te kandin is gehem wey is gaǥew.

Salmo 50:23

Is ebpemuhat kayi te kedì te kebpeselamat ebeǥey kedì te zengeg, ne edlibriyen ku sikan is ebpekeventayan din he kenà sikandin mekevaal te mezaat.”

Salmo 41:13

Edeliǥen is Nengazen he Megbevayà te Israel te wazà pidtemanan. Amen! Amen!

2 Cronica 20:21

Hein nekepasad sikandin ne mibpekisambag sikandin te menge etew. Ne zutun mibpilì sikandin te menge perekanta he iyan edhuna kandan he egkanta te kedalig te Nengazen tenged te egkein-inuwan he kegkewaǥas din. Iyan heini kanta zan: “Peselemati niw is Nengazen tenged te wazà pidtemanan te gaǥew zin.”

1 Cronica 29:20

Ne migkeǥiyan ni David is tivuuk he keet-etawan te, “Deliǥa niw is Nengazen he Megbevayè niw.” Ne zutun midalig dan is Nengazen, he Megbevayà te menge kepuun dan. Midluhud dan wey midungul he tuus te kebeǥayi zan te zengeg te Nengazen wey te hadì.

Genesis 14:20

Deliǥa is Utew Lavew he Megbevayà, su midhimu zin he mekezaag ka te menge kuntada nu.” Ne zutun, imbeǥey kandin ni Abram is ikepulù he vahin te langun he netavan din.

Salmo 113:1

Deliǥa is Nengazen! Sikiyu is menge etew te Nengazen he menge suluǥuen din, deliǥa niw sikandin.

Ezekiel 28:3

Egkeisip nu he edhuna ke pa he metau ki Daniel, ne wazà id-eles he kenè nu egketuenan.

Nehemias 9:5

Is menge Levihanen he nengumew para te ked-azap iyan ensi Jeshua, Kadmiel, Bani, Hashabnea, Sherebia, Hodia, Shebania, wey si Petahia. Ke sikandan te, “Hitindeg kew ne zeliǥa niw is wazà pidtemanan he Nengazen he Megbevayè niw!” Ne migkaǥi is menge etew te, “He Nengazen, ereg he edeliǥen is kegkemekeǥeǥehem nu! Is kegkemekeǥeǥehem nu lavew pa te egkekaǥi zey.