Amos 4:7 - Manobo Western Bukidnon OT

⁷ “Iyan a mid-eǥen te uzan te tetelu he vulan human is tiraǥun. Mibpeuzanan ku is duma he menge inged piru is duma wazè ku peuzani. Mibpeuzanan ku is duma he menge pemuleey piru is duma mibmemaza.

Amos 4:7 Marejeleo ya Msalaba

Jeremias 3:3

Tenged keniyan, wazà med-uzan diyà te keniyu minsan timpu pezem te tipenguzan, su iring kew te vahi he ebelegyà te zengeg din he kenà egketau he egkeeled.

Exodus 9:26

Iyan dà wazà duen giyew is tanà he Goshen he zutun ed-ubpà is menge Israilihanen.

Isaias 5:6

Ebpesegdanen ku en heini he pemuleey. Kenè ku en ebpenempezen is subpang etawa edterebehuwen is tanà duen. Etuvuan dà heini te menge sagbet wey duǥiyen he dezeisey he kayu. Ne egkeǥiyan ku is menge ǥapun he kenè dan heini petiǥisi te uzan.”

Joel 2:23

Sikiyu is menge etew ziyà te Zion, lipey kew tenged te mibeelan te Nengazen he Megbevayè niw. Su mibeǥayan kew zin te nehuna he uzan te kebpaahaa zin he metazeng sikandin. Mibeǥayan kew zin te nehuna he uzan wey te ebpekesunud he uzan iring ded duen te nehuna.

Exodus 10:23

Ne zutun, wazà minsan sevaha he nekehimu he egawas diyà te ed-ubpaan din seled te tetelu he andew su kenà ebpekaahà. Piru merayag mulà is diyà te lugar he ed-ubpaan te menge Israilihanen.

Exodus 9:4

Iyan, ibpebiza ku is menge uyaǥen te menge Israilihanen wey is menge uyaǥen te menge Ehiptohanen, su wazà mulà ebpatey he uyaǥen te Israilihanen.’ ”

Zacarias 14:17

Is menge etew he kenà edhendiyà te Jerusalem te ked-azap te Nengazen he Mekeǥeǥehem he iyan hadì, kenà ebeǥayan te uzan.

Jeremias 14:22

Ebpekehimu ve te ebpeuzan is menge ed-ezapen diyà te menge nasyun? Minsan is langit kenà ebpekehimu he ebpeuzan te kandin dà he ketau, kekenà, iyan ke zà, Nengazen, he Megbevayè dey. Iyan ke zà ebpekehimu kayi, umbe ebperateng key ziyà te kenikew.

Jeremias 14:4

Nemeka is tanà su wazà uzan. Ne tenged te kegkeeled te menge perevasuk midtembunan dan is menge ulu dan.

Deuteronomio 11:17

Emun ebeelan niw heini, egkepeukan kew te Nengazen ne kenè din ibpeuzan ne wazè niw egkeraǥun, ne segugunè kew egkahanew puun duen te meupiya he tanà he ibeǥey keniyu te Nengazen.

Exodus 8:22

Iyan, emun egkehitavù en haazà ne kenà mulà egkehitavù diyà te tanà he Goshen, he iyan ed-ubpaan te menge etew ku; kenà mulà edhendiyà te kandan is menge dezeizey he keranapranap he ebpezumdumahà, su para metueni niw he siak, is Nengazen, dutun a he lugar.

Exodus 10:22

Ne imbayew ni Moises is belad din pehendiyà te zivavew, ne utew mibmerusirem diyà te tivuuk he Ehipto seled te tetelu he andew.

Jeremias 14:3

Midsuǥù te menge sepian is menge suluǥuen dan te kedsekezu. Midhendiyè dan te menge vudsi he punduwà te wahig piru wazà wahig. Umbe midlikù dà sikandan he wazè meteǥui is menge teleǥuey zan. Ne tenged te kegkeseeng dan wey kegkeeled dan, midtembunan dan is menge ulu zan.