Amos 3:5 - Manobo Western Bukidnon OT

⁵ Egketuǥesan be is tagbis emun wazà epani is penuǥes? Egkevekas be is penuǥes emun wazè din egkevekasan?

Amos 3:5 Marejeleo ya Msalaba

Megwewali 9:12

Ne wazà hanew te etew ke keenu heeyan egkehitavù. Umbe iring is etew te tagbis he nelitag etawa isdà he nepuket; egkebiktima sikandin te mezaat he hitavù he egketik-ew egkeulaula ziyà te kandin.

Daniel 9:14

Andam ka he edsilut kenami; ne mibeelan nu en heini tenged te egkezumahan te hustu he kukuman is langun he ebeelan nu, piru wazè key ǥihapun mebpezumazuma kenikew.

Jeremias 31:28

Dengan midezeetan ku, mibengkag ku, wey midaag ku sikandan. Piru ziyà te huziyan he timpu edtukuzen ku wey ibpeuman ku ibpehitindeg sikandan.

Salmo 140:5

Is menge mepelevawen, mid-endaman e zan te paaǥi he iyan igkeutela zan kedì. Ke và e zà pait, iring te puket he intaan is paaǥi zan te kedhingutela zan kedì.

Amos 3:4

Edhiniǥer ve is erimaung diyà te ketelunan emun wazè din edewiyen? Edhiniǥer ve sikandin diyà te elesè din emun wazè din nezawi?

Amos 3:6

Kenè be egkerkeren te kegkahandek is menge etew emun edaǥing is menge vudyung te kebpesayud he zuen menge kuntada he edsurung? Emun egkeumahan te kezeetan is inged kenè be ketau te Nengazen is kebpekeuma zutun?