Amos 1:11 - Manobo Western Bukidnon OT

¹¹ Iyan heini migkaǥi te Nengazen mehitenged te Edom: “Tenged te kedtulung kebaal te salà te menge tig-Edom, edsilutan ku sikandan. Su mibpendal-as dan is menge kezuzumahi zan he menge Israilihanen ne wazè dan en mehizuwi te ebpenhimatey. Is menge Israilihanen, kenè egkaawà is pauk kandan te menge tig Edom.

Amos 1:11 Marejeleo ya Msalaba

2 Cronica 28:17

Su mid-umanan surunga te menge tig-Edom is Juda ne nezaag dan ne nevihag is duma he menge meǥinged kayi.

Malakias 1:4

“Emun egkaǥi is menge Edomanhen he menge kevuwazan ni Esau te, ‘Minsan nezeetan en is ubpaan dey, ne ed-umanan dey heini ebenguna,’ iyan a, kes Nengazen he Mekeǥeǥehem, egkaǥi te, ‘Minsan ed-umanan dan ebenguna haazà is inged dan ne edrundusen ku zed gihapun. Egngezanan sikandan he “mezaat he nasyun” wey “menge etew he layun dà igkeepes te Nengazen.”

Joel 3:19

“Is Ehipto egkehimu he mekevulungbulung, ne is Edom egkehimu he disirtu su midsurung dan is menge etew ziyà te Juda; mibpenhimetayan dan is kenà ereg he edhimetayan.

Salmo 137:7

Tentenuzi nu, Nengazen, is mibeelan te menge Edomnen hein mid-aǥew te menge tig-Babilonia is Jerusalem. Migkaǥi zan te, “Purungi niw heeyan bengkaǥa.”

Micas 7:18

Wazè en duma he ed-ezapen he iring kenikew. Mibpesaylu nu is menge salà te nesamà he menge etew nu he menge ǥaked nu. Wazà mebpedayun taman te taman is kegkepauk nu su ingkelipey nu is kebmahala nu kenami.

Megwewali 7:9

Kenè ka melemu he mepauk, su is kegkepauk ne iyan neleyaman he ed-ul-ulahan te menge tulebung he etew.

Deuteronomio 23:7

“Kenè niw keepesi is menge Edomanhen, su kezuzumahi niw sikandan. Kenè niw zaan keepesi is menge Ehiptohanen, su nekeubpè kew ziyà te tanè dan hein lumelengyawè kew.

Malakias 1:2

Migkaǥi is Nengazen te, “Mahal ku sikiyu. Piru mid-insè kew pa te, ‘Mibmenumenu key kenikew te ebmahal?’ Tentenuzi niw he minsan te telesuled en si Esau wey si Jacob, mahal ku si Jacob

Isaias 57:16

Benar iyan, kenà a ebpekigkuntada wey kenà taman te taman is kegkepauk ku su emun ebeelan ku heini, ebpematey is menge etew he linimbag ku.

Salmo 85:5

Taman te taman en be is kegkepeuki nu kenami?

Zacarias 1:15

piru utew ku nepeuki is menge meǥinged diyà te menge nasyun he ebpeeyehey zà. Dengan kenè ded utew zekelà is pauk ku kandan, piru mid-unduran dan heini.

2 Cronica 20:10

“Ne ǥuntaan edsurungen key te menge etew he ebpuun te Ammon, Moab, wey Buntud he Seir. Dengan ne wazè nu ituǥut haazà is ubpeey zan he edsekupen te menge Israilihanen hein nekeǥawas dan diyà te Ehipto. Midlevayan dà heini te menge Israilihanen ne wazè dan sikandan penhimetayi.

2 Cronica 20:11

Ne ǥuntaan iyan heini ibales dan kenami. Edsurungen key zan para mesegseg key kayi te tanà he imbeǥey nu kenami he egkepengevilin dey.

Hoseas 8:3

Piru inselikwey zan is meupiya, umbe edel-asen sikandan te menge kuntada zan.