2 Samuel 3:6 - Manobo Western Bukidnon OT

⁶ Dutun te kemulu pa is tebek te midapig ki David wey midapig ki Saul, si Abner is melig-en he pengulu te midapig ki Saul.

2 Samuel 3:6 Marejeleo ya Msalaba

Erubasa 21:30

Wazà edlampus he ketau, kedsavut, etawa sambag he igkuntra te Nengazen.

2 Cronica 25:8

Emun edumahan niw sikandan ke ebpekidtebek kew, egkezaag kew minsan utew kew en ebpenigudu. Iyan dà is Megbevayà ebpekepezaag etawa ebpekepezezaat keniyu.”

2 Hadì 10:23

Ne midseled si Jehu wey si Jehonadab he anak ni Recab dutun te simbahan he para ki Baal. Migkeǥiyan ni Jehu sikan is ebpemenilbi ki Baal te, “Sigureduwa niw he wazà ebpekesahug keniyu he menge etew he ebpenilbi te Nengazen. Kinahanglan he iyan kew zà nekeseled kayi is ebpenilbi ki Baal.”

2 Samuel 3:5

Ne is ikeenem iyan si Itream he anak din diyà te ki Egla. Iyan sikandan impen-anak diyà te Hebron he menge anak ni David.

1 Samuel 14:50

Is esawa ni Saul iyan si Ahinoam, he anak ni Ahimaaz. Is peremandar te menge sundaru zin iyan is id-aǥew zin he si Abner, he anak te anggam din he si Ner.

2 Samuel 3:1

Iyan haazà puunà te meluǥayad he tebek te edapig ki Saul wey te edapig ki David. Ed-iseg ebmelig-en is grupu ni David ne ebmeluya mulà is grupu ni Saul.