2 Samuel 2:6 - Manobo Western Bukidnon OT

⁶ Berakat he ipaahà te Nengazen is gaǥew zin wey kebmetinumanen din diyà te keniyu, ne ibpeehè ku zaan is kebpurungi ku keniyu tenged te mibeelan niw.

2 Samuel 2:6 Marejeleo ya Msalaba

Erubasa 14:22

Is etew he ebpelanu te mezaat, ebpekevaal te sayep, iyan, is etew he meupiya is ebpelenuwen din, ebmahalen wey ebpezumdumahan sikandin te zuma he menge etew.

Exodus 34:6

Ne midsaǥad is Nengazen diyà te etuvangan din ne mibpekezaǥing sikandin is egkaǥi te, “Siak is Nengazen, Megbevayà a he veliǥeǥawen wey hihizuwen, ne kenà a melemu he egkepauk, ne ibpeehè ku is dekelà he kebmahal ku wey kebmetinumanen ku.

Salmo 57:3

Puun te langit ebpekeuma is tavang nu te kedlibri kediey. Ebpeel-elezan nu is menge etew he edsurung kediey. Ibpeehè nu is gaǥew nu wey kebmetinumanen nu para kediey.

2 Samuel 15:20

Wazè pa utew meuǥet is kebpekeuma niw kayi, ne ǥuntaan eduma kew kenami he wazè dey ganì metueni ke hendei key ebpevayà? Likù kew ziyà te menge siringan niw, ne deyzey ke ipaahà te Nengazen is gaǥew zin wey keupiya zin keniyu.”

2 Samuel 10:2

Migkaǥi si David te, “Ibpeehè ku ki Hanun is meupiya he kebpekidepitè ku kandin tenged te meupiya zaan is kebpekidepità te amey zin kedì.” Umbe impehendiyà ni David is menge upisyal para ibpeehè din is kebpekid-unung din te kelised ni Hanun dutun te kebpatey te amey zin. Piru hein nekeume en haazà is menge upisyal ni David diyà te tanà te menge Amunihanen,

2 Samuel 9:7

Migkeǥiyan ni David sikandin te, “Kenè ka mahandek, su ibpeehè ku kenikew is keupiya ku tenged te amey nu he si Jonatan. Id-ulì ku kenikew is langun he menge tanà te apù nu he si Saul, ne kenà iyan dà heeyan, kekenà, kayi ku en sikew ibpekaan duma kedì.”

2 Samuel 9:3

Mid-insà is hadì, “Duen pe be nesamà he pemilya ni Saul he igkepeehè ku kandin is keupiya te Megbevayà?” Midtavak din is hadì te, “Duen pa, kes anak ni Jonatan he maama he nepigket.”

2 Samuel 2:7

Ne ǥuntaan, pekelig-en kew wey pekevurut kew minsan te minatey en si Saul he egalen niw. Iyan a mibpilì te menge tig-Juda he iyan hadì dan.”

Josue 2:14

Ne migkaǥi haazà is dezuwa he meniniid diyà te ki Rahab te, “Iyan igerentiya zey is untung dey! Basta kenè nu idtug-an is kebpeniid dey kayi, kenè dey sikew ebmenuwen emun ibeǥey en te Nengazen kenami heini he tanà.”

Ruth 1:8

iyan, hein diyè dan en te zalan migkaǥi si Naomi ziyà te menge ambey zin te, “Deyzey nasì ke ed-ulì kew en diyà te menge iney niw ne verakat he meupiya is tuvad keniyu te Nengazen iring te meupiya is mid-ulaula niw kediey wey te menge anak ku he minatey en.