2 Samuel 12:3 - Manobo Western Bukidnon OT

³ piru sikan is pubri ne sebsevaha zà is nati he kerehidu zin he pinemasa zin pa. Mid-elimahan din heini, ne midekelà duma te menge anak din. Impekaan din heini te kandin he keenen, ne impeinum din diyà te kandin he vasu, ne edsepsepipiyen din pa. In-iring din heini te anak din he vahi.

2 Samuel 12:3 Marejeleo ya Msalaba

Micas 7:5

“Ne ǥuntaan te utew en mezaat is ulaula te menge etew, ne kenè kew en sarig te menge emiǥu niw, minsan is utew niw menge emiǥu. Ne pekeventayi niw is menge lalag niw minsan diyà te minahal niw he esawa.

2 Samuel 11:3

Midsuǥù si David te ibpaahà haazà ke hentei he vahi. Ne midtudtulan sikandin te haazà he vahi ne si Batsheba, he anak ni Eliam wey esawa ni Uria he Hitihanen.

Deuteronomio 13:6

“Penenglitan duen nu suled etawa anak, pinelanggè nu he esawa etawa utew nu emiǥu, he meeles he ed-iniyat kenikew ne egkaǥi te, ‘Ed-azap ki te selakew en he menge ed-ezapen’ (menge ed-ezapen he wazè nu mekilala wey te menge kepuun nu).

2 Samuel 12:2

Mezakel utew is kerehidu wey vaka zutun te sepian,

2 Samuel 12:4

Sevaha zutun he andew, duen mibpenumbaley zutun te sepian, piru kenà sikandin egkesuat he edlapà te kerehidu wey ke vaka ve para ibpeǥana zin dutun te meǥeliyug din. Iyan din migkuwa haazà is nati he kerehidu zutun te pubri he etew ne iyan din midlapà ne iyan impekaan din dutun te meǥeliyug din.”