2 Cronica 1:3 - Manobo Western Bukidnon OT

³ Ne migenat si Solomon wey is tivuuk he keet-etawan pehendiyà te simbahan diyà te metikang he lugar ziyà te Gibeon, su ziyà kes Tulda he Edtelevukaayan te Megbevayà. Heini he Tulda ne mibpeveelan ni Moises he suluǥuen te Nengazen diyà te sibsivayan.

2 Cronica 1:3 Marejeleo ya Msalaba

1 Cronica 21:29

Haazà he timpu, kes Tulda te Nengazen wey kes pemuhatà para te menge pemuhat he edtutungen he mibpeveelan ni Moises diyà te sibsivayan ne ziyà te metikang he lugar te Gibeon.

1 Cronica 16:39

Insarig daan ni David ki Zadok he memumuhat wey te menge iring din he menge memumuhat is Tulda te Nengazen diyà te metikang he lugar ziyà te Gibeon.

Deuteronomio 34:5

Umbe, minatey si Moises he suluǥuen te Nengazen diyà te Moab, sumalà te nekaǥi te Nengazen.

Leviticus 1:1

Midtawag te Nengazen si Moises ne midlelaǥan din diyà te Tulda he Edtelevukaayan. Midsuǥù din si Moises te kegkaǥi kayi ziyà te menge Israilihanen: Emun duen keniyu ebpemuhat te uyaǥen diyà te Nengazen, ne mebpemuhat sikandin te vaka, kerehidu, etawa kambing.

Exodus 40:34

Ne hein nepasad heini is langun netembunan te ǥapun sikan is Tulda he Edtelevukaayan he tuus te zutun is Nengazen.

Exodus 40:2

“Dutun te egkehuna he andew te egkehuna he vulan te tuig, ne ipelastar niw en heeyan is Tulda he Ed-ezapan, he egngezanan daan he Tulda he Edtelevukaayan.

Exodus 36:8

Is langun he memetau he ebpemenerebahu, ne iyan impevaal zan duen te Tulda he Ed-ezapan. Iyan migamit dan te kebaal zan dutun is sepulù he lukut he linu he miburdahan te welin he meiten is kaavuavu zin, merudtem wey kanggan. Ne nepurungan meburdahi heini te zagwey te menge kirubin.

2 Cronica 1:13

Ne zutun ne mid-awà dutun si Solomon te Tulda he Edtelevukaayan diyà te simbahan he ziyà te metikang he lugar ziyà te Gibeon, ne midlikù sikandin diyà te Jerusalem. Ne midhadì sikandin diyà te Israel.

Josue 9:3

Piru hein nezineg te menge tig-Gibeon is mibeelan ni Josue ziyà te Jerico wey ziyà te Ai,