1 Samuel 8:18 - Manobo Western Bukidnon OT

¹⁸ Emun egkehitavù en heini, ebpekevuyù kew en maan te tavang te Nengazen tenged te kebpeǥesa keniyu te hadì he mibpilì niw. Ne zutun kenè kew edtevaken te Nengazen.”

1 Samuel 8:18 Marejeleo ya Msalaba

Micas 3:4

Dutun te timpu te kedsiluti keniyu ebuyù kew te tavang diyà te Nengazen, piru kenè kew zin edtevangan; ed-iniyuǥan kew zin tenged te mezaat he menge vaal niw.

Isaias 1:15

“Emun ebpengemuyù kew ne kenè ku sikiyu ebpemineǥen. Kenà a ebpemineg minsan kepipira kew pa med-ampù, su mahabet en is mibpenhimetayan niw he menge etew.

Isaias 8:21

Edhipanew zan he egkeveley wey egkevitil. Ne tenged te kegkevitil zan, egkepauk sikandan ne edrewakan dan is hadì dan wey is Megbevayè dan. Ne edlingahà sikandan diyà te langit

Erubasa 21:13

Emun kenè ta idtetepian is egkengeayuayu he ebpekitavang kenita, ne kenè ki zaan idtetepian emun iyan ki ebpekitavang.

Salmo 18:41

Mibuyù dan te tavang, piru wazà midlibri kandan. Nengumew-umew zan kenikew, piru wazè nu sikandan tevaka.

Job 27:9

Ebpemineg be is Megbevayà te kebuyù din te tavang emun egkeumahan sikandin te kemereǥenan?

1 Samuel 8:17

Egkuwaan din pa is ikepulù te menge uyaǥen, ne egkehimu kew he menge uripen din.

2 Cronica 10:11

He ke và dà egkegiya, meveǥat pa is ibpetuman ku keniyu kenà is impetuman te amey ku. Emun midlagkut kew te amey ku te letigu, ne iyan idlagkut ku keniyu is iring te venayew he meǥarang he menge putew.”

Job 27:8

Ebmenmenuwen te Megbevayà te kegkehewi a zin te untung te etew he wazà medtuu kandin?

Isaias 59:1

Pemineg kew! Kunaan niw vuwa ke meluya wey vengel is Nengazen, ne tenged dutun kenè kew zin egkehimu te edlibri wey kenà sikandin ebpekezineg ke ed-umawen niw.

Ezekiel 8:18

Umbe, ibpeǥezaman ku kandan is pauk ku. Kenè ku sikandan egkehizuwan. Minsan ikulahì dan pa te mezaǥing is kebuyù dan te tavang kayi te kediey, ne kenè ku sikandan ebpemineǥen.”