1 Samuel 7:9 - Manobo Western Bukidnon OT

⁹ Ne zutun migkuwa si Samuel te kerehidu he wazè pa lutasa ne midhimetayan din ne midtutung din haazà is senge vuuk he pemuhat he edtutungen para te Nengazen. Nengemuyù sikandin diyà te Nengazen su ebpekitavang para te Israel ne midtavak sikandin te Nengazen.

1 Samuel 7:9 Marejeleo ya Msalaba

Jeremias 15:1

Migkaǥi is Nengazen kayi te kedì te, “Minsan si Moises pa wey si Samuel is ebpehizuhizu kediey para kayi he menge etew, ne kenè ku sikandan egkehizuwan. Umbe ipekeziyù sikandan kayi te etuvangan ku. Ipawè niw en sikandan!

Salmo 99:6

Si Moises wey si Aaron, dezuwa sikandan duen te menge memumuhat din dengan, ne si Samuel, sevaha sikandin duen te mid-ampù diyà te kandin. Nengumew-umew sikandan kandin ne midtavak din sikandan.

Salmo 50:15

Umawa a keniyu te timpu te kelised su edlibriyen ku sikiyu, ne zutun edeliǥen a keniyu.”

1 Samuel 7:17

Ne ebpekepasad ne ed-ulì maan sikandin diyà te Rama, su pengulu zaan sikandin te menge etew zutun. Ne mibaal sikandin dutun te pemuhatà para te Nengazen.

1 Samuel 16:2

Ne migkaǥi si Samuel te, “Ebmenumenu e ve he edhendiyà? Kela ke metueni heini ni Saul ne kela ke himetayi e zin.” Migkaǥi is Nengazen te, “Uwit ka te zumeraǥa he vaka ziyà te Betlehem, ne keǥiyi nu is menge etew ziyà he midhendutun ka su ebpemuhaten nu is Nengazen.

1 Samuel 10:8

“Huna ke en kedì diyà te Gilgal. Edtelukun e zà kenikew su ebpemuhat a te pemuhat he edtutungen wey te menge pemuhat he para te meupiya he kedepità. Piru teǥazi a kenikew taman te pitu he andew taman te ebpekeuma a, su egkeǥiyen ku kenikew ke hengkey is ebeelan nu.”

1 Samuel 9:12

Midtavak dan te, “Uya, kayi sikandin. Nehuna zà sikandin keniyu. Su veǥu pa utew sikandin mekeuma ziyà te inged dey para te kebpengulu te menge etew te kebpemuhat diyà te simbahan diyà te metikang he lugar. Pekeǥaan kew!

Zatù 6:28

Ne kegkemeselem dutun, ne iyan en nehuna maahà te nepukew he menge etew is nevengkag en he pemuhatà para ki Baal, wey is nengetamped en he tukud he para ki Ashera ne iyan en intavun para zuen te vaka he impemuhat diyà te veǥu he pemuhatà.

Zatù 6:26

Ne emun egkepasad nu en ne bangun ka te hustu he pemuhatà he para kediey, te Nengazen he Megbevayè nu, kayi te mibuntud-buntud. Ne ipemuhat nu kayi te kedì sikan is tudu he vaka he pemuhat he edtutungen. Ne iyan nu itavun sikan is tukud he para ki Ashera he ebpenempezen nu.”

Deuteronomio 9:26

Mib-ampù a ziyà te Nengazen he ke siak te, ‘He Nengazen he MEGBEVAYÀ, kenè nu zèdeeti heini is menge etew he ǥaked nu. Midlibri nu sikandan ne impeǥawas nu puun te Ehipto pinaaǥi te zekelà he ǥehem nu.

1 Samuel 2:35

Ne ebpilì a te metazeng wey metinumanen he memumuhat he edsunud te egkesuatan ku. Ne ebeǥayan ku sikandin te menge kevuwazan he ebpenilbi te mibpilì ku he hadì taman te taman.

1 Samuel 12:17

Kenè be gulavung man heini he timpu is tiraǥun te trigu? Piru edhengyuen ku is Nengazen he iperuǥung din wey ipeuzan din. Ne zutun egkeisip-isip niw he mezaat bes diyà te etuvangan te Nengazen haazà is kebuyù niw te hadì.”