1 Samuel 7:14 - Manobo Western Bukidnon OT

¹⁴ Is menge inged he neteliwazà te Ekron wey Gat he naaǥew te Filistihanen ne nekelikù ded diyà te Israel. Neengked is kedtebek te menge Israilihanen wey menge Amorihanen.

1 Samuel 7:14 Marejeleo ya Msalaba

Salmo 106:34

Wazà penhimetayi te menge Israilihanen is menge etew ziyà te Canaan he iyan pezem insuǥù kandan te Nengazen.

Zatù 4:17

Ne si Sisera mulà mibpelaǥuy pehendiyà te tulda ni Jael te esawa ni Heber, su geina te emiǥu ni Hadì Jabin he hadì te Hazor is pemilya ni Heber he Kinhanen.

Deuteronomio 7:16

Kinahanglan he egeraan niw is langun he menge etew he ibeǥey keniyu te Nengazen he Megbevayè niw. Kenè niw sikandan kehizuwi, wey kenè kew mebpenilbi te kandan he menge ed-ezapen su pekaid heini keniyu.

Deuteronomio 7:2

Ne emun ibeǥey en sikandan te Nengazen he Megbevayè niw ziyà te keniyu su egkezaag niw en sikandan, kinahanglan he ebpurungan niw sikandan edèdeeti. Kenè kew mebaal te kesebutan diyà te kandan etawa kenè kew mebpaahà te hizu niw kandan.

Numero 13:29

Is menge Amalikanhen diyà ed-ubpà te Negev; is menge Hitihanen, menge Jebusihanen, wey is menge Amorihanen diyà ed-ubpà te menge vuvungan; ne is menge Canaanhen diyà ed-ubpà te veyvey te zaǥat wey veyvey te Wahig he Jordan.”

Josue 10:5

Umbe, midsevaha heini is lelima he hadì te menge Amorihanen: is hadì te Jerusalem, Hebron, Jarmut, Lakish, wey Eglon. Midtiǥum dan is menge sundaru zan ne midsurung dan is Gibeon.

Josue 15:11

Midlaus heini ziyà te egkezizaya he kelendiǥan te Ekron ne mibulegkù pehendiyà te Shikeron, he ebpekevayà te Buntud he Baala taman te Jabneel. Ne midsangkù heini ziyà te Zaǥat he Mediteraneo,

1 Cronica 18:1

Hein huziyan he timpu nezaag ni David is menge Filistihanen, ne nesakup din en sikandan. Naaǥew zin diyà te kandan is Gat wey is menge lugar he nemekelingut kayi.