1 Samuel 5:9 - Manobo Western Bukidnon OT

⁹ Ne hein nekeume en diyà, midsilutan daan te Nengazen is menge meǥinged dutun, batà etawa meǥurang su mibpelevaǥan sikandan te Nengazen.

1 Samuel 5:9 Marejeleo ya Msalaba

1 Samuel 5:6

Mibpurungan siluti te Nengazen is tig-Ashdod wey zuma is menge meǥinged diyà te nekelingut he menge inged. Ne impetuvù te Nengazen diyà te lawa zan is menge levag.

1 Samuel 7:13

Nezaag human te menge Israilihanen is menge Filistihanen, ne wazè dan en maan mekepenurung diyà te ubpaan te menge Israilihanen te uuyag pa si Samuel, su is menge Israilihanen, midtevangan sikandan te Nengazen.

Deuteronomio 2:15

Midsilutan sikandan te Nengazen taman te naamin din sikandan te ebpenhimatey ziyà te kampu zan.

1 Samuel 12:15

Piru emun kenè kew edsunud te Nengazen, ne kenè niw edtumanen is menge suǥù din, ne edsilutan kew zin iring ded te mibeelan din te kepuun niw.

Salmo 78:66

Midsegseg din is menge kuntada zin; ne wazà pidtemanan is kegkepeel-elezi zin kandan.

Amos 5:19

Egkeiring kew te etew he egkeisip din he nelibri en sikandin su nepeleǥuyan din en is erimaung, piru bir ves is egkesinuǥung din. Etawa egkeisip din he wazè en ebpekekaid kandin su ziyè en sikandin te seled te valey zin, piru ked-ulembè din diyà te elavat ne migkaǥat is belad din te uled.

1 Samuel 6:11

In-untud dan te kerumata kes Kavan te Nengazen wey kes kavan he mid-ehukan dan duen te menge vulawan he midiyun dan he iring te menge rumat wey henduen te menge levag.

1 Samuel 5:11

Ne impetawag dan is langun he menge pengulu te menge Filistihanen ne migkeǥiyan dan te, “Ilikù niw heini is Kavan te Kebpekid-uyun te Megbevayà te Israel ziyà te kandin he lugar, su emun kenè niw idlikù ne egkengeǥerè key is meǥinged kayi.” Iyan heini hangyù dan tenged te utew zan neherati su mibpuun en medsilut is Megbevayà kandan su mezakel en is nemematey kandan.

1 Samuel 5:10

Ne zutun diyè dan en maan ihated te Ekron kes Kavan te Kebpekid-uyun te Megbevayà. Ne hein edseled dan en diyà te Ekron, wazà mesuat is menge etew zutun, su ke sikandan te, “Kayi zan uwita heini is Kavan te Kebpekid-uyun te Megbevayà te Israel para mengeǥerè kiw.”