1 Samuel 5:3 - Manobo Western Bukidnon OT

³ Utew pa meselem dutun te sunud he andew, naahà te menge tig-Ashdod kes ledawan ni Dagon he edlelelangkeb dutun te egkesineruwan te Kavan te Nengazen. Impehitindeg dan ne inlikù dan duen te nesevukan din.

1 Samuel 5:3 Marejeleo ya Msalaba

Isaias 19:1

Heini he menge lalag ne mehitenged te Ehipto: Pemineg kew! Ed-untud is Nengazen te meǥaan he ǥapun su edhendiyà sikandin te Ehipto. Ne emun ebpekeume en, ne ebpengerkeren te kegkahandek is menge ed-ezapen diyà te Ehipto, ne egkeheratan is menge Ehiptohanen.

Isaias 46:7

Edtiangen dan heini, ne id-untud dan diyà te selevukà duen, ne zutun dà heini. Ne kenè en ebpekaawà dutun. Emun duen ebpengemuyù dutun, ne kenà heini edtavak, ne kenà heini ebpekelibri kandan te menge kelised dan.

Zefanias 2:11

Utew sikandan ebpelihendeka te Nengazen su edezeetan din is langun he menge ed-ezapen kayi te kelibutan. Ne ed-azap kandin is menge etew ziyà te kada nasyun diyà te keugelingen dan he lugar.”

Jeremias 10:8

Menge wazà dan pereg wey menge tulebung. Is penurù mehitenged te ed-ezapen dan he menge kayu, ne wazè din pulus.

Isaias 41:7

Is menge pandey, menge platiru, wey zuma pa he menge terebahanti he ebpemaal te menge ed-ezapen midinesiǥà, he ke sikandan te, ‘Meupiya is terebahu tew.’ Ne idransang dan haazà is menge ed-ezapen diyà te selevukà duen su para kenà mepiley.

Isaias 40:20

Etawa iyan is menge ed-ezapen he ed-as-as he kayu, he ebpeveelan te pubri he etew su idhalad din? Ebpeveelan din heini te metau he pandey su para kenà mepiley.

Salmo 97:7

Egkepeel-elezan is langun he edsimba te ledawan wey is ibpegalbu zan is duma he menge ed-ezapen. Is langun he tarù he megbevayà edluhud te ked-azap te tutuu he Megbevayà.

Exodus 12:12

“Su zutun daan he kezukileman edhipenawen ku is tivuuk he Ehipto ne ebpenhimetayan ku is langun he menge pengenayan he menge maama te menge Ehiptohanen, meetew se meuyaǥen. Ne edsilutan ku is langun he menge ed-ezapen kayi te Ehipto. Su iyan a Nengazen.

1 Samuel 6:1

Hein midlavey en is pitu he vulan te ked-uwita ziyà te Filistia zuen te Kavan te Nengazen,

1 Hadì 18:26

Umbe, migkuwa zuen te menge ebpeneuven ni Baal is tudu he vaka he mid-uwit diyà te kandan, ne mid-andam dan heini. Ne nengemuyù dan diyà te ki Baal puun te meselem taman te meudtu. Igkulahì dan en is lalag te, “He Baal, tevaka key kenikew!” Edsayewsayew en sikandan is edlingutlingut duen te pemuhatà he mibeelan dan. Piru wazà mibeǥey te hangyù dan.

Salmo 115:7

Duen dan menge velad, piru kenè dan ebpekeǥawed; duen dan menge paa, piru kenè dan ebpekehipanew, ne minsan is laǥeng ne kenè ta egkezineg diyà te kandan.