1 Samuel 24:9 - Manobo Western Bukidnon OT

⁹ Migkaǥi si David diyà te ki Saul te, “Maan is ebpemineǥen nu is menge etew he edsumbung kenikew he duen ku pelanu te kedhimatey kenikew?

1 Samuel 24:9 Marejeleo ya Msalaba

Erubasa 29:12

Emun ebpemineg is pengulu te tarù he menge tudtul, ne egkehimu he lalung is langun he menge upisyal zin.

Erubasa 26:28

Egkeepesan te teruen he etew is menge etew he mibiktima zin pinaaǥi te kedtarùtarù. Is etew he edigdig kenikew ebpekezezaat kenikew.

Erubasa 25:23

Is keramag he ebpuun diyà te zizaya ed-uwit te uzan, ne iring dutun is etew he pereituk su ed-uwit te tudtul he igkesavà.

Erubasa 18:8

Is ituk, iring te metaam he keenen he egenahan ki he ed-eveleng duen.

Erubasa 17:4

Is lalung, egkesuat he ebpemineg te mezaat he menge lalag, ne is teruen, egkesuat he ebpemineg te tarù.

Erubasa 16:28

Is etew he mezaat is kebpemèbè din, ebpeketuvù te samuk wey egkehimu he hinungdan te kebpekegkuntedaha te teleemiǥu.

Salmo 141:6

Emun ibpenimbag en diyà te pangpang is menge edumala kandan, ebpeketuu zan he tutuu is menge lalag ku.

Salmo 101:5

Edèdeetan ku is minsan hentei he ebpendezaat te zengeg te zuma zin pinaaǥi te menge lalag din. Kenè ku ebey-anan is kelelalung te menge gelbuwen wey mepelevawen.

1 Samuel 26:19

Mahal he Hadì, pemineǥa nu is egkeǥiyen ku. Emun iyan is Nengazen edsuǥù kenikew te kedhimatey kedì, deyzey pezem ke egkehizuwan e zin pinaaǥi te kedewata zin te pemuhat ku. Ne emun ketau zà te etew, ne deyzey pezem ke rewaki sikandan te Nengazen. Su impepelaǥuy e zan puun te tanà he gaked te Nengazen ne migkeǥiyan e zan te ibpesilbi ad te zuma he menge ed-ezapen.

Leviticus 19:16

Kenè kew ituk te zuma niw he etew. Kenè kew vaal te minsan hengkey he ebpekezezaat te untung din. Iyan a kes Nengazen.

1 Samuel 20:1

Si David mid-awà diyà te Nayot diyà te Rama ne midhendiyà te ki Jonatan ne nenginginsà, “Hengkey ves is salà he neveelan ku te amey nu maan is egkesuatan e zin te edhimatey?”

1 Samuel 24:8

Ne migawas si David dutun te surung ne mid-umew zin si Saul, “Mahal he Hadì!” Midlilingey si Saul, ne midluhud si David su edtahud kandin.

1 Samuel 24:10

Neehè en guntaan he andew ke mibmenumenu te Nengazen is paaǥi te kebpelaza zin kenikew kayi te kedì dutun te seled te surung. Migkeǥiyan a te menge zuma he sakup ku te himetayi nu en, piru wazè ku sikew himetayi. Migkeǥiyan ku sikandan te kenè ku egketikaan te edhimatey is egalen ku tenged te mibpilì sikandin te Nengazen he edhadì.

1 Samuel 26:18

Maan is edel-asen nu is suluǥuen nu? Hengkey ves is mezaat he neveelan ku?

Jeremias 37:18

Ne mid-insaan ni Jeremias haazà is hadì te, “Hengkey ves is salà he neveelan ku ziyà te kenikew, ziyà te menge upisyal nu, wey ziyà te zuma he menge etew he iyan impepirisuwa nu kedì?

1 Samuel 20:41

Hein neipus kes batà, midlepew si David dutun te kilid te vatu he mid-elesan din, ne midluhud sikandin diyà te ki Jonatan te ketetelu he iyan kedtahud din kandin. Ne mibpehezekè dan is edsineǥew. Utew neseeng si David.