1 Samuel 24:5 - Manobo Western Bukidnon OT

⁵ Hein nepasad ne mibmesakit is gehinawa ni David te mibeelan din he mibpitas te kilid te visti ni Saul.

1 Samuel 24:5 Marejeleo ya Msalaba

2 Samuel 24:10

Ne mibmezaat is gehinawa ni David hein nepasad is kedsinsusa zin te menge etew. Ne migkeǥiyan din is Nengazen te, “Nekesalà a kayi te mibeelan ku. Umbe ebpehizuhizu a kenikew, Nengazen, he peseyluwa a kenikew is suluǥuen nu te salè ku, su kelelalung is mibeelan ku.”

2 Hadì 22:19

Mibpemineg ku is pengemuyù nu tenged te kedsendit nu wey kebpekevevaa nu te keugelingen nu ziyà te etuvangan ku hein nezineg nu is migkaǥi ku he ebpekesuǥat kayi he lugar wey te menge meǥinged kayi, he edrewakan wey edezeetan heini he lugar. Mibindas nu is kumbalè nu wey midsineǥew ka ziyà te etuvangan ku su nekedsendit ka. Umbe siak is Nengazen migkaǥi a te,

2 Samuel 12:9

Ne maan is wazè nu tumana is menge lalag ku ne iyan nu maan heini mibeelan is kenè ku igkesuat? Mibpehimetayan nu si Uria he Hitihanen diyà te tebek; mibpehimetayan nu sikandin te menge Amunihanen, ne mid-aǥew nu pa is esawa zin.

1 Samuel 26:8

Migkeǥiyan ni Abishai si David te, “Imbeǥey en te Megbevayà kenikew is kuntada nu te heini he andew. Guntaan tuǥuti a kenikew he ebpilaken ku sikandin te vangkew. Ibpezeket ku sikandin dutun te tanà te senge pilak dà.”

Salmo 59:11

Piru hunaa nu sikandan resaya ne human nu himetayi su para kenà egkelipatan te menge etew ku is paaǥi nu te kedsilut te menge kuntada nu. He Nengazen he iyan layun ebpengalang kenami, tezina nu wey zèdeeti nu is menge kuntada ku pinaaǥi te ǥehem nu.