1 Samuel 23:8 - Manobo Western Bukidnon OT

⁸ Midtiǥum ni Saul is langun he menge sundaru zin su edhendiyè dan te Keila su edliǥuyan dan si David wey is menge sakup din.

1 Samuel 23:8 Marejeleo ya Msalaba

1 Samuel 23:7

Duen neketudtul ki Saul he ziyà si David te Keila. Umbe nekekaǥi si Saul te, “Mibpeveyveyaan sikandin kedì te Megbevayà, su henduen be te mibpirisu zin is keugelingen din te kedseled din te inged he nelingut te verengbeng.”

1 Samuel 23:9

Ne hein netuenan ni David is planu ni Saul, migkeǥiyan din si Abiatar kes lavew he memumuhat he kuwaa zin kes ipud.

1 Hadì 2:26

Ne migkeǥiyan ni Hadì Solomon si Abiatar he memumuhat te, “Ulì ka ziyà te pemuleey nu ziyà te Anatot. Ereg ka pezem he edhimetayan, piru kenè ku sikew edhimetayan guntaan su iyan ka midseriǥan duen te Kavan te Nengazen he MEGBEVAYÀ hein duma ke pa te amey ku he si David, wey mid-ambit ka te menge kemereǥenan din.”

1 Samuel 23:10

Ne mid-ampù si David te, “He Nengazen, Megbevayà te Israel, netuenan ku te suluǥuen nu, he duen planu ni Saul he edhengkayi te Keila su ebpenhimetayan din is meǥinged kayi tenged kedì.