Biblia Todo Logo
Biblia ya mtandaoni

- Matangazo -




1 Samuel 22:4 - Manobo Western Bukidnon OT

4 Mibpemineg kes hadì, ne intaǥak ni David is menge ginikanan din dutun te hadì te Moab ne ziyà mulà sikandin te melig-en he elesà.

Tazama sura Nakili




1 Samuel 22:4
15 Marejeleo ya Msalaba  

Diyà a te Nengazen edhangyù he kelesaǥi e zin. Ne maan is egkaǥi kew kayi te kedì te, “Pelaǥuy ka iring te tagbis pehendiyà te menge vuvungan,


Piru midtavak a te, “Gubirnedur a; ne kenè ku egkehimu is ked-eles diyà te valey te Nengazen su wey a kenà mebpatey. Kenà a ed-eles!”


Ne impepelastar ni Hezekia ziyà te valey te Nengazen is menge Levihanen he zuen dan menge simbal, menge alpa, wey menge lira. Ne kedtuman heini te insuǥù te Nengazen ki Hadì David pinaaǥi ki Gad he menenagnà ni David wey te ebpeneuven he si Natan.


Is guǥud mehitenged te kedhadì ni Hadì David, puun te puunà taman te ketepusan, ne ingkesurat heini ziyà te menge libru te menge ebpeneuven he si Samuel, Natan wey Gad.


Migkeǥiyan te Nengazen si Gad he menenagnà ni David te,


Duen daan menge etew he ebpuun te tribu ni Benjamin wey ki Juda he midhendiyà te ki David diyà te melig-en he elesà.


Sunud he meselem dutun te wazè pa med-enew si David, migkeǥiyan te Nengazen si Gad he menenagnà ni David te,


Puun dutun ne midhendiyà si David te Mizpa he sakup te Moab ne migkeǥiyan din is hadì te Moab te, “Edtuǥutan nu vuwa is menge ginikanan ku he ebpekeubpè dan pa kayi teǥaad te egketuenan ku ke hengkey is ebeelan te Megbevayà para kedì?”


Sevaha zutun he andew migkeǥiyan te ebpeneuven he si Gad si David te, “Kenè ka pekeuǥet kayi te elesè nu. Hendiyè ka te Juda.” Ne migenat si David ne midhendiyà te ketelunan te Heret.


Nezaag daan ni David is menge Moabitanhen. Impehizeǥè din sikandan diyà te tanà he impelinya ne midsukud din te pisì. Ne is neseled te kada zezuwa he sukud te pisì ne mibpenhimetayan, ne is nengesakup te iketelu he sukud te pisì ne wazà penhimetayi. Is duma he menge Moabitanhen he wazà himetayi, ne midsakup ni David ne impevayad din sikandan te vuhis diyà te kandin.


ne naaǥew zan is Betlehem. Hein diyè pa si David te melig-en he elesà,


Tufuate:

Matangazo


Matangazo