1 Samuel 2:9 - Manobo Western Bukidnon OT

⁹ Ebentayan din is gaked din he menge metinumanen, ne is menge mezaat ne edèdeetan din. Su wazà etew he ebmezeeǥen pinaaǥi zà te kandin he ebilidad.

1 Samuel 2:9 Marejeleo ya Msalaba

Salmo 121:3

Kenè din idtuǥut he meseligkat ka. Sikandin is ed-ipat kenikew, ne kenà ebpekelipezeng.

Zacarias 4:6

Ne migkaǥi sikandin kayi te kedì te, “Kenè ku pa edtevaken is insè nu, ne pemineǥa nu heini is menge lalag te Nengazen he Mekeǥeǥehem diyà te ki Zerubabel: “Zerubabel, egkepasad nu is kebpehitindeg te valey te Nengazen kenè pinaaǥi te zesen wey egkehimu te etew, kekenà, pinaaǥi te Mulin-ulin he ibpetavang ku kenikew.

Salmo 97:10

Is menge etew he mibmahal zan is Nengazen ne kinahanglan he igkeepes dan is mezaat. Su edtipiǥan te Nengazen is untung te metinumanen he menge etew zin. Ne kenà ebpekezezaat kandan is menge lalung su edlibriyen din sikandan.

Salmo 94:18

Hein migkaǥi a ziyà te kenikew, Nengazen, he henduen be te ebpatey ad, midtevangan a kenikew su mibmahal a kenikew.

Salmo 37:28

Su igkesuat te Nengazen is hustu he kukuman ne kenè din ebpesegdanen sikan is menge metinumanen he edsunud kandin. Edtipiǥan din sikandan te taman te taman, piru is menge kevuwazan te lalung he menge etew ne edsegseǥen mulà puun te tanà he Israel.

Job 5:24

Ebpekesiguru ka he meupiya is kebpekesavuk te pemilya nu, wey wazà egketazin he uyaǥen nu.

Deuteronomio 33:3

Mahal utew te Nengazen is menge etew zin. Ebpengelangan din heini is menge etew he menge pinilì din. Umbe, edsunuzen dan sikandin ne edtumanen dan is mandù din.

Erubasa 16:9

Pinaaǥi te isip te etew edhimuwen din is pelanu zin piru iyan egiya kandin is Nengazen.

Salmo 121:8

Is Nengazen iyan ed-ipat kenikew ǥuntaan wey taman te taman, minsan hendei ka ebpevayà.

Zefanias 1:15

Keniyan he andew is kebpeǥezama te Megbevayà te pauk din. Andew haazà te kelised, kemeresayan, kezeetan, wey kepirdiyan. Merusirem wey ebpenggapun dutun he andew,

Megwewali 9:11

Duen pa neehè ku kayi te kelibutan: kenà is langun he mezesen he ebpelelaǥuy he ebpekezaag te lumbà, wey kenà is langun mezesen he ebpekezaag te tebek. Kenà is langun he uluwanen he ebpekaahà te igkeuyag-uyag dan, kenà is langun he uluwanen ne edsepian. Su egkeseǥazan te uman sevaha he etew is imbanglis kandin.

Erubasa 3:26

su ebpekesarig ka he iyan ebantey kenikew is Nengazen, wey ka kenà mekeizi.

Megwewali 5:17

Kayi te ked-ubpè ta ne mahabet he menge timpu he zutun edlised ki, egkeseeng ki, egkezeruwan ki, wey egkepauk ki.

Erubasa 2:8

su wey sikandan is menge metazeng wey menge metinumanen, ne egkepengelangan din sikandan dutun te menge ebeelan dan.

Salmo 121:5

Is Nengazen, iyan ed-ipat kenikew; diyà sikandin te uvey nu is edlavan kenikew.

Jeremias 9:23

Migkaǥi pa is Nengazen te, “Kenà ereg he ibpahambug te uluwanen is ketau zin, wey is desen din emun mezesen sikandin, wey is ketiǥeyunan din emun sepian sikandin.

Jeremias 8:14

“Ne zutun egkaǥi sikandan te, ‘Na, hengkey pa is edteǥazan tew? Kuwa kew en su edhendiyè kiw te menge inged he vinerengbeng, ne zutun kiw ebpekimatey. Su iyan en hukum te Nengazen he Megbevayè tew is edhimetayan kiw. Iring te mibeǥayan kiw zin te wahig he zuen duen hilu he egkeinum tew, su ǥeina te nekesalè kiw ziyà te kandin.

Job 5:16

Umbe, duen egkeperateng te menge egkengaayuayu, piru kenà mulà ibpelampus te Megbevayà is menge lalung.

Numero 6:24

‘Berakat he tuvazi kew te Nengazen.

Salmo 31:17

Nengazen, kenè nu ituǥut he mepeel-elezi a, su ziyà a te kenikew megnganey. Iyan nu zà peel-elezi is menge lalung he etew ne penhimetayi nu sikandan, su wey zan mekepereremek en diyà te leveng dan.

Isaias 27:3

Iyan a, is Nengazen, mid-etiman keniyan he pemuleey te paras. Layun ku heini ebinyaǥi. Ebentayan ku heini te maandew wey mezukilem su para wazà ebpekezezaat kayi.

1 Samuel 25:26

“Umbe guntaan, kenà egkesuat is Nengazen he mekevales ka wey mekepatey ka. Ibpenangdù ku ziyà te uuyag he Nengazen wey ziyà te kenikew he is menge kuntada nu wey is langun he egkesuat he ebpesipala kenikew ne meiringi zan is egkeulaula ki Nabal.

Job 18:18

Edsegseǥen sikandin puun kayi te merayag he kelibutan pehendiyà te merusirem he lugar te menge minatey.

Job 40:13

Ileveng nu sikandan is langun diyà te tanà, diyà te lugar te menge minatey.

Salmo 1:6

Su egiyahan te Nengazen is menge metazeng, piru is menge ulaula te menge lalung iyan ed-uwit kandan diyà te kezeetan.

Salmo 105:37

Ne impeǥawas din is menge tig-Israel puun te Ehipto, ne wazà sikandan memenu, kekenà, nekeuwit dan pa te menge pelata wey menge vulawan.

Salmo 145:20

Binentayan nu layun is langun he etew he mibmahal kenikew, iyan, edezeetan nu mulà is langun he menge lalung.

Isaias 47:5

Migkaǥi pa is Nengazen te, “He Babilonia, pinuu ka he melinawen diyà te merusirem he lugar. Su kenè ke en maan egngezanan te rayna te menge ginhedian.

Nahum 1:8

Iring sikandin te meseleg he zalem su ed-eminen din edezeeti is menge kuntada zin. Edel-asen din is menge kuntada zin taman te egkengepatey zin sikandan.