1 Samuel 19:5 - Manobo Western Bukidnon OT

⁵ Imbelavag din is untung din te kedhimetayi zin duen te Filistihanen he si Goliat, ne impezaag te Nengazen is tivuuk he Israel. Neehè nu heini ne utew ka nesuat. Ne maan is edhimetayan nu is sevaha he etew he wazà peleng he etew iring ki David te wazè nu zuen ibpuun?”

1 Samuel 19:5 Marejeleo ya Msalaba

1 Cronica 11:14

piru si Eleazar wey si David, ne wazè dan dutun med-awà te teliwazà te pemuleey, ne mibpenhimetayan dan kes menge Filistihanen. Impezaag sikandan te Nengazen.

1 Samuel 11:13

Piru migkaǥi si Saul te, “Wazà etew he edhimetayan guntaan, su guntaan midluwas te Nengazen is Israel.”

1 Samuel 20:32

Mid-insà si Jonatan te, “Maan is ereg sikandin he edhimetayan? Hengkey ves is salà he neveelan din?”

Zatù 9:17

Tentenuzi niw he nekidtebek is amey ku te kedlibri keniyu te kedezaat te menge Midianhen. Impedserakan din is untung din para keniyu.

Salmo 119:109

Minsan pa te layun a edhephepiti te kemetayen, ne wazè ku lipati is kesuǥuan nu.

1 Samuel 28:21

Mid-uvayan dutun te vahi si Saul. Ne hein neehè din he utew nahandek si Saul, ke sikandin te, “Mahal he Hadì, midtuman ku is insuǥù nu kedì minsan te netuenan ku he piligru is untung ku.

Jeremias 26:15

Piru tentenuzi niw heini: Emun edhimetayan a keniyu, zuen niw televaken wey is menge etew kayi te inged tenged te kedhimatey niw te wazà mekesalà, su is tutuu midsuǥù a te Nengazen te kegkaǥi kayi te langun he nezineg niw ǥuntaan.”

Salmo 69:4

Utew mahabet is edumut wey egkesuat he edhimatey kedì te wazà hustu he hinungdan. Iyan erubasa ku he edhuna pa sikandan he mezakel te vulvul ku. Ed-uluǥan e zan te kewusa ne idteǥel zan ibpeulì kedì is menge vutang he wazè ku tekawa.

1 Samuel 14:45

Piru migkaǥi is menge etew ziyà te ki Saul te, “Si Jonatan is nekeveǥey te kezeeǥan tew, ne ǥuntaan edhimetayan tew sikandin? Kenà egkehimu! Idsesapè dey ziyà te uuyag he Nengazen he kenà sikandin ebmenuwen, su is Megbevayà is midtavang te mibeelan din guntaan.” Umbe wazà himetayi si Jonatan, su midluwas sikandin te menge etew.

Zatù 12:3

Ne hein netuenan ku he kenè kew edtavang, impedserakan ku is untung ku te kebpekidtebek. Ne mibpengelinteuwan te Nengazen he mekezaag a. Ne ǥuntaan, maan is egkesuat kew he ebpekidtebek kedì?”

Exodus 14:13

Ne midtavak si Moises te, “Kenè kew mahandek. Pekelig-en kew ne egkeehè niw is paaǥi te Nengazen te kedlibriya zin keniyu ǥuntaan he andew. Su heini is menge Ehiptohanen he egkeehè niw ǥuntaan, ne kenè niw en sikandan egkeuman egkaahà.

Salmo 25:3

Is edsarig kenikew kenà egkepeel-elezan, iyan, egkepeel-elezan sikan is edluib kenikew.

1 Samuel 19:6

Mibpezumazuma si Saul ki Jonatan, ne nenaad sikandin pinaaǥi te uuyag he Nengazen he kenè din en ebpehimetayan si David.

1 Samuel 22:14

Midtavak si Ahimelec te hadì te, “Kenà heeyan egkehitavù! Su si David mekaamung nu, ne iyan pa sikandin suluǥuen nu he metinumanen, iyan pa sikandin egalen te menge vantey nu ne utew sikandin edtehuza te pemilya nu.

2 Samuel 23:10

piru sikandin, ne wazà mulà su kemulu zin en ebpenhimetayi is menge Filistihanen, taman te neluǥat en is belad din ne kenè en ebpekekayew te ispada. Impezaag sikandan te Nengazen te haazè dà he andew. Kes mibpemelaǥuy he menge Israilihanen nemenlikù dan diyà te ki Eleazar su ebpenguwaan dan kes menge ǥumaan te menge mibpematey.

Salmo 94:21

Nesevaha zan te kebpekidkuntada te menge metazeng, ne midhukuman dan te kemetayen is wazè dan menge salà.

1 Cronica 11:18

Umbe, mid-eles-eles midseled haazà is tetelu he mevurut he menge etew zuen te kampu te menge Filistihanen, ne migkuwa zan te wahig dutun te kalut he uvey te ǥemawan te Betlehem, ne mid-uwit dan diyà te ki David. Piru wazà inuma haazà ni David; kekenà, in-itis din haazà su pemuhat din para te Nengazen.

Salmo 109:5

Mibelesan e zan te mezaat te meupiya he mibeelan ku kandan, wey mibelesan e zan te pauk te kebpekid-emiǥu ku kandan.