1 Samuel 13:7 - Manobo Western Bukidnon OT

⁷ Ne is duma kandan ne midlayun te Wahig he Jordan, ne nemelaǥuy zan diyà te Gad wey ziyà te Gilead. Ne si Saul mulà, ne mibpelintetaǥak diyà te Gilgal, ne ebpengerkeren en te kegkahandek is menge zuma zin dutun.

1 Samuel 13:7 Marejeleo ya Msalaba

Zatù 7:3

Umbe, keǥiyi nu sikandan he ke hentei kandan is egkahandek ne med-awè en kayi te Buntud he Gilead ne med-ulì en.” Ne hein migkaǥi haazà ni Gideon, ne mid-ulì is 22,000 ne 10,000 zà is nesamà.

Deuteronomio 28:25

“Baal te Nengazen is kegkezeeǥa keniyu te menge kuntada niw. Edrapungrapung kew is edlusud kandan, piru ebpekedsusuwey kew is ebpemelaǥuy kandan. Ebpendemis keniyu is langun he ginhedian kayi te kelibutan.

Deuteronomio 20:8

“Ne megkaǥi pa is menge upisyal te, ‘Emun duen keniyu egkahandek etawa egkulbaan, ne med-ulì sikandin su kela ke elin kulbai is menge zuma zin.’

Deuteronomio 3:12

“Hein naaǥew tew en heini he tanà, imbeǥey ku ziyà te menge kevuwazan ni Reuben wey te menge kevuwazan ni Gad is tanà he uvey te zal-ug he Arnon, ragkes en is ketengà te menge vuvungan te Gilead wey is menge inged kayi.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

1 Samuel 13:8

Midteǥazan ni Saul si Samuel ziyà te Gilgal seled te pitu he andew he iyan insaad ni Samuel kandin, piru wazà mekeuma si Samuel. Ne zutun naahà ni Saul he egkenaney egketerini is kahabet te menge zuma zin su ebpemelaǥuy,

Josue 13:8

Is tribu ni Reuben, ni Gad, wey is ketengà he tribu ni Manase daan en mibeǥayan ni Moises he suluǥuen te Nengazen te kandan he vahin diyà te zapit te edsilaan te Jordan.

Josue 13:11

Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.

1 Samuel 17:11

Nezineg haazà ni Saul wey te menge Israilihanen ne utew zan nahandek.

1 Samuel 31:7

Haazà he timpu ne zuen menge Israilihanen he ziyà med-ubpà te divaluy he menge suǥud he Jezreel wey ziyà layun te Wahig he Jordan. Hein neehè dan he nememelaǥuy is menge sundaru te Israel wey nepatey en si Saul wey kes menge anak din, ne mid-ewaan dan is menge inged dan ne mibpelaǥuy zan daan. Ne midselezan haazà te menge Filistihanen is menge inged ne iyan dan en dutun mid-ubpà.